24.04.2026 | 23:32
Կապանում ջրանջատում կլինի
Հայաստանն ապաստան կտրամադրի Բելառուսում զինվորական ծառայությունից խուսափելու մեջ մեղադրվող ակտիվիստին
Հասարակություն
22.03.2024 | 11:27
ՀՀ-ն ապաստան կտրամադրի Բելառուսում զինվորական ծառայությունից խուսափելու մեջ մեղադրվող Յարոսլավ Նովիկովին։ Բելառուսի ընդդիմության ղեկավար Սվետլանա Տիխանովսկայայի հետ հանդիպմանը Եվրախորհրդարանում հայկական պատվիրակությունը հայտարարել է, որ բելառուսական անվտանգության ուժերի դիմումով Հայաստանում կալանավորված ակտիվիստ Յարոսլավ Նովիկովը քաղաքական ապաստան կստանա Երևանից, հայտնում է «Позірк»-ը՝ հղում անելով Տիխանովսկայայի մամուլի ծառայությանը, փոխանցում է Current time-ը։
Յարոսլավ Նովիկովը քաղաքական ապաստան էր խնդրել պաշտոնական Երևանից այն բանից հետո, երբ փետրվարի 2-ին Բելառուսի գլխավոր դատախազության պահանջով նրան ձերբակալել էին Հայաստանում։ Նովիկովը, ըստ նրա փաստաբան Արայիկ Պապիկյանի, Բելառուսին արտահանձնվելու դեպքում կկանգներ դատարանի առաջ։
Ամռանը Նովիկովի նկատմամբ Բելատուսում քրեական գործ էր հարուցվել զինվորական ծառայությունից խուսափելու համար (քրեական օրենսգրքի 435-րդ հոդվածի 1-ին մաս): Նախորդ տարվա սեպտեմբերին նրա նկատմամբ միջազգային հետախուզում էր հայտարարվել։
