17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Հայաստանը կարող է դիմել ԵՄ-ին անդամակցելու համար․ Պետեր Ստանո
Քաղաքականություն
15.03.2024 | 11:01
Հայաստանը կարող է հայտ ներկայացնել ԵՄ-ին անդամակցելու։ Այս մասին «Իզվեստիա»-ի հետ զրույցում հայտնել է ԵՄ արտաքին քաղաքականության ծառայության ներկայացուցիչ Պետեր Ստանոն։
«Երկրներն իրավունք ունեն ձգտելու իրենց ժողովրդի համար ավելի լավ ապագայի: Նրանք ազատ են որոշել, թե ինչպես ապահովել նման ապագան։ Ինչ վերաբերում է ԵՄ անդամակցությանը՝ յուրաքանչյուր եվրոպական երկիր, ժողովուրդ ու կառավարություն, պետք է որոշի, թե արդյո՞ք ցանկանում է դիմել ԵՄ-ին անդամակցելու համար»,- ասել Ստանոն՝ պատասխանելով այն հարցին, թե արդյո՞ք Եվրամիության դռները բաց են Հայաստանի առաջ։
Նա նշել է, որ երբ այս կամ այն երկիրը ԵՄ-ին անդամակցելու հայտ է ներկայացնում, այն դիտարկվում է անդամ երկրների կողմից, այնուհետև նրանք համապատասխան որոշում են կայացնում «ԵՄ պայմանագրերի և սահմանված չափանիշների հիման վրա»։
Հիշեցնենք, որ մարտի 13-ին Եվրախորհրդարանը բանաձև էր ընդունել, որով կոչ է անում դիտարկել Հայաստանին միությանն անդամակցելու թեկնածուի կարգավիճակ տալու հնարավորությունը։
