23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Փաշինյանին վստահում է 15 %-ը, Քոչարյանին և Ալեն Սիմոնյանին՝ 1 %-ը․ IRI-ի հարցման արդյունքները
Հասարակություն
11.03.2024 | 18:21
Միջազգային հանրապետական ինստիտուտը (IRI) հարցումներ է իրականացրել՝ պարզելու համար, թե ՀՀ քաղաքացիները քաղաքական և հանրային գործիչներից ում են ավելի շատ վստահում։
Միջազգային հանրապետական ինստիտուտը հարցումներն իրականացրել է 2023 թվականի դեկտեմբերի 13-22-ն ընկած ժամանակահատվածում՝ հեռախոսային հարցման մեթոդով։ Հարցմանը մասնակցել է 18 տարին լրացած 1508 ՀՀ քաղաքացի։
Հարցման մասնակիցների 15 տոկոսը նշել է, որ Նիկոլ Փաշինյանն իրենց համար առաջին վստահելի քաղաքական գործիչն է, իսկ երկու տոկոսի համար էլ Փաշինյանը 2-րդ վստահելի գործիչն է։
Ռոբերտ Քոչարյանին հարցման մասնակիցներից 1 տոկոսն է վստահում, 1 տոկոսի համար էլ Քոչարյանը երկրորդ վստահելի գործիչն է։ ՀՀ ԱԳ նախարար Արարատ Միրզոյանը վստահելի է հարցվածների 2 տոկոսի համար, «Հանրապետություն» կուսկացության նախագահ Արամ Սարգսյանը՝ 2 տոկոսի համար, իսկ ԱԺ նախագահ Ալեն Սիմոնյանը՝ 1 տոկոսի համար։ Հարցման մասնակիցների 60 տոկոսը նշել է, որ որևէ մեկին չի վստահում, իսկ 8 տոկոսը դժվարացել կամ հրաժարվել է պատասխանել։
