16.02.2026 | 21:29
Հոլիվուդյան խոշոր ստուդիաները քննադատում են ԱԲ-ով «ուլտրառեալիստական» տեսանյութերի նոր գործիքը
Կասկածներ ունեմ՝ ով կարող է իմ անվան հետ կապված կեղծ լուրեր տարածել. Սիսիանի քաղաքապետի առաջին տեղակալ
Քաղաքականություն
08.03.2024 | 11:37
Իրականությանը չեն համապատասխանում մամուլում տարածված լուրերը, թե ԱԱԾ-ն ինձ ձերբակալել է, այս մասին Factor.am-ի հետ զրույցում պնդեց Սիսիան խոշորացված համայնքի ղեկավարի առաջին տեղակալ Կարեն Հովհաննիսյանը՝ հերքելով նաև շրջանառվող լուրեր, թե ինքը կասկածվում է վառելիքի հափշտակման և ապօրինի շինթույլտվությունների քրեական գործով։
Նրա խոսքով՝ այն ժամանակ, երբ տարածվել են իր ձերբակալության մասին լուրերը, ինքը միջոցառման է եղել։
«Ոչ մի տեղ չեմ հարցաքննվել՝ ո՛չ ոստիկանությունում, ո՛չ ԱԱԾ-ում, անկեղծ եմ անում։ Իմ հետ կապած ոչ մի քրեական գործ չկա, համայնքապետարանում էլ խուզարկությունչի եղել»,- ասաց նա։
Կարեն Հովհաննիսյանն ասում է՝ իր անվան հետ են խաղում, նույնսիկ որոշ կասկածներ ունի, թե ով կարող է իրեն անվանարկել, բայց այդպես էլ փակագծեր չբացեց, թե ում նկատի ունի։
Ինչ վերաբերում է հարցին, որ ինքը, հնարավոր է, ապօրինի շինթույլտվություն տված լինի քաղաքապետի առաջին տեղակալն արձագանքեց․ «Գիտե՞ն՝ շինթույլտվությունն ում են տալիս, ինչպես են տալիս, չի՛ կարող մեկը կեղծ շինթույլտվություն տա, ես այդ հարցերի հետ կապ չունեմ, չի՛ կարող նման բան լինել»։
Մամուլում տարծվող լուրերի համաձայն, իբր, ձերբակալվել է նաև Կարեն Հովհաննիսյանի վարորդը։ Սակայն քաղաքապետի առաջին տեղակալը հավաստիացնում է՝ ինքը հաստիքացուցակով վարորդ չունի, օգնական ունի։
«Երեկվա դրութամբ Սիսիանում ոչ միչ ձերբակալություն էլ չի եղել»,- նշեց Հովհաննիսյանը։
Հիշեցնենք, որ երեկ Սիսիանի համայնքապետարանը ևս հաղորդագրություն էր տարածել ֆեյսբուքյան իր էջում՝ հերքելով մամուլում տարածվող տեղեկությունը ձերբակալությունների վերաբերյալ։
