Քաղաքականություն
05.03.2024 | 12:53
«Դեռևս ՀԱՊԿ-ից դուրս եկած չենք, իսկ թե ՀԱՊԿ-ից դուրս գալն ինչին կհանգեցնի, այդ հարցը նույնպես գաղտնիք է»,- «Եռաբլուր»-ում լրագրողների հետ զրույցում հայտարարեց ՀՀ զինված ուժերի գլխավոր շտաբի պետ Էդվարդ Ասրյանը։
Հիշեցնենք՝ վարչապետ Նիկոլ Փաշինյանը Ազգային ժողովում հայտարարել էր, որ «ՀԱՊԿ-ի հետ հարաբերությունները դե ֆակտո սառեցրել ենք, և եթե այս գործընթացը շարունակվի, դե յուրե էլ պետք է սառեցնենք»։
«ՀԱՊԿ-ը, ի հեճուկս սեփական պարտավորությունների, որ պետք է ապահովեր ՀՀ անվտանգության նկատմամբ համարժեք դիրքորոշում և պատասխան, անում է ուղիղ հակառակը»,- ասել էր վարչապետը։
Իսկ ԱԺ նախագահ Ալեն Սիմոնյանն էլ իր հերթին լրագրողների հետ զրույցում նշել էր, որ ՀԱՊԿ-ից դուրս գալու որոշում կայացված չէ, բայց որևիցե մեկը չի բացառում։
