04.04.2026 | 20:03
ՃՏՊ՝ հրդեհի բռնկմամբ
ՀՀ-ն երբեք չի համաձայնել Ադրբեջանին արտատարածքային միջանցք տրամադրել․ Ռուբեն Ռուբինյանը՝ Հաջիևին
Քաղաքականություն
01.03.2024 | 15:18
Հայաստանում չկա «Զագեզուր» անունով տարածքային միավոր, կա Սյունիքի մարզ, Մեղրի քաղաք և այլ քաղաքներ, և Հայաստանը երբեք չի համաձայնել արտատարածքային միջանցք տրամադրել Ադրբեջանին։ Այս մասին Անթալիայում անցկացվող դիվանագիտական ֆորումի քննարկմանը հայտարարել է ՀՀ ԱԺ փոխնախագահ Ռուբեն Ռուբինյանը։
«Հայաստանի դիրքորոշումը տարածաշրջանի հաղորդակցությունների ապաշրջափակման հարցում արտահայտված է «Խաղաղության խաչմերուկ» նախագծում։ Մենք ցանկանում ենք հաղորդակցությունների ապաշրջափակում` ինքնիշխանության, օրենսդրության, տարածքային ամբողջականության, հավասարության ու փոխադարձության սկզբունքների հիման վրա»,- ասել է նա։
Խոսելով հաղորդակցությունների անվտանգության ապահովման մասին՝ Ռուբինյանը նշել է, որ Հայաստանը, Ադրբեջանն ու Վրաստանը կարող են պաշտպանել իրենց տարածքների հաղորդակցությունների անվտանգությունը։
Ադրբեջանի նախագահի խորհրդական Հիքմեթ Հաջիևը շարունակել է խոսել միջանցքային տրամաբանությամբ՝ հայտարարելով, թե Նախիջևանը, իբր, շրջափակված է, և Թուրքիայի օգնությունն այդտեղ կարևոր է։
«Ադրբեջանը ցանկանում է Նախիջևանի հետ ունենալ հեշտացված հասանելիություն։ Մենք ԵՄ-ի շրջանակում քննարկել ենք տարբեր մոդելներ, նաև Կալինինգրադինը, այդ պարամետրերը կարող են օգտագործվել։ Նոյեմբերի 9-ի եռակողմ հայտարարությամբ Հայաստանը պետք է տրամադրեր այդ հասանելիությունը, այժմ հարցը Հայաստանի դաշտում է»,- ասել է Հաջիևը՝ հավելելով, թե Հայաստանը կարող է դրանից օգուտներ քաղել։
Ի պաստասխան՝ Ռուբեն Ռուբինյանը հայտարարել է, որ Հայաստանն իր նախաձեռնությունը «Խաղաղության խաչմերուկ» է անվանել, քանի որ խաղաղություն է ցանկանում։ Սակայն, ըստ նրա, Բաքոն շարունակում է օգտագործել, այսպես կոչված, «Զանգեզուրի միջանցք» անվանումը, և Հայաստանը երբեք չի համաձայնել Ադրբեջանին արտատարածքային միջանցք տրամադրել։
