07.12.2025 | 20:49
Կարծում եմ ճիշտ կլինի, որ կիրակնօրյա պատարագներից առաջ եկեղեցիներում երգչախմբերը կատարեն օրհներգը․ Փաշինյան
Հայաստանն ու Ադրբեջանը գնում են խաղաղության պայմանագրի խիզախ և դժվար ճանապարհով․ Գերմանիայի ԱԳ նախարար
Քաղաքականություն
29.02.2024 | 16:26
Գերմանիայի ԱԳ նախարար Անալենա Բերբոքն անդրադարձել է Բեռլինում երկու օր ընթացող Հայաստանի ու Ադրբեջանի ԱԳ նախարարների գլխավորած պատվիրակությունների բանակցություններին։
«Հայաստանն ու Ադրբեջանը գնում են խիզախ և, միևնույն ժամանակ, դժվարին ճանապարհով դեպի խաղաղ պայմանագիր։ Մենք, որպես դաշնային կառավարություն, աջակցում ենք խաղաղ բանակցություններին, որտեղ հնարավոր է, որպեսզի վերքերը բուժվեն, իսկ խաղաղությունը օգուտ բերի մարդկանց։ Այս ճանապարհին յուրաքանչյուր մետր նշանակություն ունի»,- գրել է Բերբոքը X-ում։
Նշենք, որ նախօրեին տեղի էր ունեցել բանակցությունների առաջին փուլը։ Երկկողմ հանդիպումից հետո, տեղի էին ունեցել եռակողմ բանակցություններ Գերմանիայի ԱԳ նախարար Անալենա Բերբոքի մասնակցությամբ։
Արարատ Միրզոյանն ու Ջեյհուն Բայրամովն այսօր վերսկսել են բանակցությունները։
