25.06.2026 | 18:47
ՍԴ-ում պատասխանողի ներկայացուցիչները կլինեն Վահագն Հովակիմյանը և Նունե Հովհաննիսյանը
Ադրբեջանը նոր հարձակում է պատրաստում Հայաստանի դեմ․ Նիկոլ Փաշինյանը՝ France 24-ին
Քաղաքականություն
23.02.2024 | 09:01
ՀՀ վարչապետ Նիկոլ Փաշինյանը France 24-ին տված հարցազրույցում նշել է, որ Ադրբեջանը պատրաստվում է նոր պատերազմի։ Գերմանիայում Ադրբեջանի նախագահ Իլհամ Ալիևի հետ հանդիպումից մի քանի օր անց, որը վերջինս որակել էր որպես «կառուցողական», Նիկոլ Փաշինյանը կարծում է, որ երկու երկրների միջև ճգնաժամի խաղաղ կարգավորման խոստումները տեղում հերքվում են Ադրբեջանի գործողություններով։ Նիկոլ Փաշինյանն հայտարարել է, որ Բաքուն այսօրվա Հայաստանը համարում է «Արևմտյան Ադրբեջան»։ Նրա խոսքով՝ Ադրբեջանի նախագահ Իլհամ Ալիևը ոչ թե խաղաղության պայմանագիր է ցանկանում, որը հիմնված է տարածքային ամբողջականության փոխադարձ ճանաչման վրա, այլ ավելի շուտ ձգտում է Հայաստանից նոր տարածքներ գրավել։
Ինչ վերաբերում է Ֆրանսիայի կողմից Երևանին տրամադրվող ռազմական օգնությանը, ՀՀ վարչապետը հերքել է Բաքվի մեղադրանքները, ըստ որոնց «Փարիզը կրակի վրա յուղ է լցնում», և ընդգծել՝ Ադրբեջանն իր հերթին «միլիարդավոր եվրոներ» է ծախսում սեփական սպառազինության համար։
