05.06.2026 | 00:53
«Վալերյանկա եմ բերել, ակնկալում էի, որ լարված է լինելու», «Բերել եք, խմեք»․ թեժ բանավեճ Փաշինյանի և Թաթոյանի միջև․ ՏԵՍԱՆՅՈՒԹ
Ալիևը Մյունխենում Փաշինյանի հետ հանդիպումը անվանել է կառուցողական և օգտակար
Քաղաքականություն
18.02.2024 | 19:09
Ալիևը հայտնել է, որ Գերմանիայի կանցլեր Օլաֆ Շոլցի նախաձեռնությամբ ՀՀ վարչապետ Նիկոլ Փաշինյանի հետ կազմակերպված հանդիպումը անցել է կառուցողական մթնոլորտում և օգտակար է եղել․ փոխանցում է Ինտերֆաքսը։
«Արդեն իսկ ձեռք են բերվել պայմանավորվածություններ հայ-ադրբեջանական հարաբերությունների կարգավորման, սահմանների սահմանազատման և խաղաղության պայմանագրի շուրջ բանակցություններ վարելու ուղղությամբ»,- նշել է Ադրբեջանի նախագահը։
Ալիեւը հավելել է` պայմանավորվածություն է ձեռք բերվել, որ մոտ ապագայում տեղի կունենա Ադրբեջանի եւ Հայաստանի ԱԳ նախարարների մակարդակով հանդիպում։
Նշելով, որ խաղաղության հասնելն ու խաղաղության համաձայնագրի ստորագրումը միանգամայն հնարավոր է, Ադրբեջանի նախագահն ասել է, որ տարածաշրջանում դե ֆակտո խաղաղություն է։ Բացի այդ, նրա կարծիքով, եկել է ժամանակը վերացնելու մի շարք մեխանիզմներ, որոնք անցյալի մասունքներ են ԵԱՀԿ-ի ներսում, ինչպիսիք են Մինսկի խումբը և Բարձր մակարդակի պլանավորման կոմիտեն։
