04.08.2026 | 21:17
Պուտինը ստորագրել է քաղաքական էմիգրանտների իրավունքները սահմանափակող օրենքը
Միջազգային հանրությունը պետք է պահանջի Ադրբեջանից զորքերը դուրս բերել ՀՀ տարածքներից․ Էդմոն Մարուքյան
Քաղաքականություն
16.02.2024 | 12:53
ՀՀ հատուկ հանձնարարություններով դեսպան Էդմոն Մարուքյանն անդրադարձել է Հայաստանի դեմ Ադրբեջանի լայնածավալ ռազմական ագրեսիայի հնարավորությանը։
«Ինձ հաճախ են հարցնում արդյո՞ք Ադրբեջանը կրկին կհարձակվի Հայաստանի վրա։ Իմ պատասխանն այն է, որ Ադրբեջանը չունի որևէ օրինական հիմք Հայաստանի վրա հարձակվելու համար»,- գրել է Մարուքյանը X-ի իր էջում։
Նա նշել է, որ 2021 թվականից սկսած Ադրբեջանի բոլոր գործողությունները ագրեսիա են և համարվում են հանցագործություններ՝ միջազգային քրեական իրավունքի համաձայն։
«Ադրբեջանի կողմից հայկական տարածքների օկուպացիան մնում է անպատիժ։ Միջազգային հանրությունը պետք է ընդունի Ադրբեջանի ռազմական ագրեսիայի լեգիտիմության բացակայությունը և պահանջի դուրս բերել զորքերը օկուպացված տարածքներից՝ կոչ անելով վերադառնալ բանակցություններին»,-ընդգծել է Էդմոն Մարուքյանը։
