08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Միրզոյանն ու Բորելն անդրադարձել են Ներքին Հանդի ուղղությամբ Ադրբեջանի վերջին սադրանքին
Քաղաքականություն
13.02.2024 | 16:42
Բրյուսելում ԵՄ-Հայաստան գործըկերության խորհրդի նիստին ընդառաջ ՀՀ ԱԳ նախարար Արարատ Միրզոյանի և ԵՄ արտաքին քաղաքականության բարձր ներկայացուցիչ Ժոզեպ Բորելի առանձնազրույցի ժամանակ անդրադարձ է կատարվել առավոտյան Ադրբեջանի կողմից ՀՀ Սյունիքի մարզի Ներքին Հանդ բնակավայրի շրջանում Ադրբեջանի զինված ուժերի հերթական սադրանքի և ուժի կիրառման դեպքին։
«Քննարկել ենք երկկողմ համագործակցության վերջին ձեռքբերումները և հեռանկարները, որոնց ուղղությամբ մենք կարող ենք ակտիվորեն աշխատել: Տեղեկացրել եմ Ադրբեջանի Հանրապետության կողմից այսօր իրականացված սադրանքի և ՀՀ-ի դեմ ուժի կիրառման մասին, ընդգծել եմ տարածաշրջանի ապակայունացմանն ուղղված քայլերը զսպելու անհրաժեշտությունը»,- X-ի իր միկրոբլոգում հանդիպման մասին գրել է Արարատ Միրզոյանը:
Important discussion w/🇪🇺HR/VP @JosepBorrellF ahead of #Armenia–#EU PC meeting. Looked into recent achievements in bilat coop & prospects we can actively work for.
Briefed on today’s AZ provocation & use of force agnst ARM & stressed need to restrain steps to destabilize region. pic.twitter.com/1fqmweLvuW
— Ararat Mirzoyan (@AraratMirzoyan) February 13, 2024
Հիշեցնենք՝ ՀՀ ՊՆ-ն ավելի վաղ հայտնել էր, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ: ՊՆ-ի տեղեկատվության համաձայն՝ Ադրբեջանի ագրեսիայի հետևանքով հայկական կողմն ունի 4 զոհ և 1 վիրավոր։
Ավելի ուշ Բաքուն պաշտոնապես ընդունել է, որ Հայաստանի ինքնիշխան տարածքի՝ Սյունիքի մարզի Ներքին Հանդի հատվածում հայկական դիրքերի ուղղությամբ հերթական ագրեսիան է իրականացրել։
