18.12.2025 | 13:59
Թուրքիան ցանկանում է վերադարձնել ռուսական C-400-ները. Էրդողանը հարցը քննարկել է Պուտինի հետ. Bloomberg
Քրիստինե Մկոյանը չի կարող պատասխանել` իր լիազորությունները պե՞տք է դադարեցվեն, թե՞ ոչ․ ՏԵՍԱՆՅՈՒԹ
Քաղաքականություն
02.02.2024 | 19:22
Բարձրագույն դատական խորհրուրդը փետրվարի 5-ին պետք է Վճռաբեկ վարչական դատարանի դատավոր Քրիստինե Մկոյանի, Հովսեփ Բեդևյանի, Ռուզաննա Հակոբյանի և Վարչական դատարանի դատավոր Արգիշտի Ղազարյանի վերաբերյալ կարգապահական գործով որոշում կայացնի:
Դատավորների նկատմամբ կարգապահական վարույթը հարուցվել է ՄԻԵԴ վճռի հիմքով:
Եվրոպական դատարանն արձանագրել է, որ 2008 թվականին վարչական դատարանը, վարույթ չընդունելով «Դարեսկիզբ ՍՊԸ»-ի (Հայկական ժամանակ) հայցը, որով վիճարկվում էր Հայաստանում արտակարգ դրություն հայտարարելու մասին նախագահի հրամանագիրը, խախտել է դատարանի մատչելության իրավունքը:
Նշենք, որ Քրիստինե Մկոյանը նաև ԲԴԽ անդամ է: Բարձրագույն դատական խորհուրդը 2023 թվականի հուլիսին ՄԻԵԴ վճռի հիմքով դադարեցրել է 3 դատավորի՝ Աստղիկ Խառատյանի, Արտակ Բարսեղյանի և Տիգրան Պետրոսյանի լիազորությունները։ Այս դեպքում ևս դատավորների նկատմամբ վարույթը հարուցվել էր, քանի որ ՄԻԵԴ-ն արձանագրել էր, որ Հայաստանը խախտել է դատարանի մատչելության իրավունքը:
Այս դեպքում էլ քաղաքացիական դատարանի քննության ենթակա գործն ակնհայտորեն որևէ ատյանի դատարանում վարույթ չէր ընդունվել:
ՄԻԵԴ-ի այս վճռի հիմքով 4 դատավորի լիազորությունները դադարեցնելուն կողմ է քվեարկել նաև ինքը` դատավոր Քրիստինե Մկոյանը, այսինքն` նա իր որոշմամբ դիրքորոշում է հայտնել, որ այս արարքի համար պետք է դադարեցնել դատավորնորի լիազորությունները:
Մկոյանից հետաքրքվեցինք` չի՞ ստացվում, որ ԲԴԽ-ն այժմ էլ պետք է իր լիազորությունները դադարեցնի, ինչին ի պատասխան նա ասաց, որ ԲԴԽ-ի փոխարեն չի կարող պատասխանել:
Արաքս Մամուլյան
