Քաղաքականություն
23.01.2024 | 11:03
ԱՄՆ-ն և պետքարտուղարը հետաքրքրված են հայ-ադրբեջանական հարաբերությունների կարգավորմամբ։ Այս մասին ճեպազրույցի ժամանակ հայտարարել է ԱՄՆ պետքարտուղարության գլխավոր փոխխոսնակ Վեդանտ Պատելը։
Պատասխանելով այն հարցին, թե դեկտեմբերին Վաշինգտոնում ԱՄՆ պետքարտուղար Էնթոնի Բլինքենը Հայաստանի ու Ադրբեջանի ԱԳՆ ղեկավարներին հրավիրել էր բանակցությունների, արդյոք հանդիպման ժամանակացույցը հայտնի է, Պատելը նշել է, որ նորություններ չունի, բայց անհամբեր սպասում են այդ մասին շուտով խոսելուն։
Անդրադառնալով ՀՀ-Ադրբեջան խաղաղության պայմանագրի կնքման շուրջ բանակցություններին ՝ ամերիկացի պաշտոնյան նշել է, որ ԱՄՆ ջանասիրաբար աշխատելու է վերջնագիծը հատելու համար։
«Դա մի բան է, որով շահագրգռված է Միացյալ Նահանգները և պետքարտուղարը, և մենք շատ ջանասիրաբար աշխատելու ենք վերջնագիծը հատելու համար՝ սերտ համագերծակցելով Հայաստանի և Ադրբեջանի, ինչպես նաև մյուսների հետ, ովքեր աշխատում են այս հարցի շուրջ , այդ թվում՝ համակարգող Բոնոյի հետ»,-ասել է Պատելը։
