14.10.2026 | 14:10
Սերգեյ Լավրովն Ադրբեջան կայցելի
Գագիկ Ծառուկյանը պատռեց Գևորգ Պետրոսյանի հրաժարականի դիմումը
Քաղաքականություն
07.08.2018 | 13:28
Ազգային ժողովի «Ծառուկյան» խմբակցության պատգամավոր Գևորգ Պետրոսյանի մանդատը՝ վայր դնելու վերաբերյալ հրաժարականի դիմումը խմբակցության ղեկավար Գագիկ Ծառուկյանը չի ընդունել։
Այս մասին կուսակիցների հետ հանդիպման ժամանակ հայտարարել է Գագիկ Ծառուկյանը՝ նշելով, որ անձնական հարցերը կարելի է քննարկել առանձին հանդիպումների ընթացքում, և չի կարելի դրանք քաղաքականությանը խառնել։
«Գևորգը հանդիպել է ինձ հետ, դիմում է ուղարկել ինձ։ Կա՞ մեկը, որ կարող է մտածել, թե Գևորգը ծախված է, ական է, կամ պատվեր է կատարում»,-խմբակցության պատգամավորներին հարց ուղղեց Գ․Ծառուկյանն, ապա շարունակեց․
«Նա նվիրված է՝ պատրաստ պայքարելու։ Հիմնական խնդիրը անձնական հարցն է, որը որևէ մեկը իրավունք չունի մասսայականացնելու։ Ես խոսել եմ, ինքը հասկացել, որ անձնականը քաղաքականությանն իրավունք չունի խառնելու, և դա վերաբերում է բոլորրին՝ այդ թվում և ինձ»,-ասաց կուսակցության առաջնորդը և պատռեց Գևորգ Պետրոսյանի հրաժարականի դիմումը։
