23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Պակիստանը հրթիռներով ու ԱԹՍ-ներով հարվածներ է հասցրել Իրանին
Քաղաքականություն
18.01.2024 | 10:59
Պակիստանը հարվածներ է հասցրել Իրանի տարածքում գտնվող թիրախներին, AFP-ին հայտնել է Պակիստանի հետախուզության բարձրաստիճան աղբյուրը:
«Ես կարող եմ միայն հաստատել, որ մենք հարվածներ ենք հասցրել հակապակիստանյան գրոհայինների խմբավորումներին», – ասել է նա։
Պայթյունները որոտացել են Սերավան շրջանում, որը գտնվում է Պակիստանին սահմանակից Սիստան և Բելուջիստան նահանգում, հայտնում է իրանական IRNA գործակալությունը։ Շրջանի անվտանգության հարցերով փոխնահանգապետը հայտնել է, որ անվտանգության ուժերը հետաքննություն են սկսել։
Պակիստանը հաստատել է, որ հարվածներ է հասցրել Իրանի տարածքին։ Արտաքին գործերի նախարարությունը հայտնել է, որ հարձակման են ենթարկվել «ահաբեկիչների թաքստոցները»: Իրանական ԶԼՄ-ների տվյալներով՝ զոհվել է երեք կին և չորս երեխա, իսկ հարձակումներն իրականացվել են հրթիռների և անօդաչու սարքերի միջոցով։
Չնայած այս հարձակմանը՝ Իսլամաբադն Իրանն անվանել է «եղբայրական երկիր» և հայտարարել, որ հարգում է երկրի ինքնիշխանությունն ու տարածքային ամբողջականությունը։ Պակիստանը նշել է, որ հարձակումների նպատակն է «ապահովել սեփական անվտանգությունը և ազգային շահերը»։ Իսլամաբադը խոստացել է շարունակել քայլեր ձեռնարկել «իր ժողովրդի անվտանգությունն պահպանելու համար»:
Հիշեցնենք, երեկ էլ Իրանն էր հարվածներ հասցրել Պակիստանում թիրախների՝ ինչպես պնդում է Թեհրանը, «Ջեյշ ալ-Ադլ» ահաբեկչական խմբավորման հենակետերին։
Իսլամաբադը Թեհրանից հետ է կանչել իր դեսպանին։ Պակիստանը խոստացել էր, որ «անպատասխան չի թողնի այս անօրինական գործողությունը» Թեհրանի կողմից։ Իրանի արտգործնախարար Հոսեյն Ամիր Աբդոլլահիանն իր հերթին հայտարարել էր, որ Թեհրանը հարգում է Պակիստանի ինքնիշխանությունը։
