25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Բանկերին հարստացնելու ձև՞ եք գտել, ընկե՛ր Կառավարություն․ Հրաչ Բերբերյան․ ՏԵՍԱՆՅՈՒԹ
Տնտեսություն
03.08.2018 | 15:43
Ագրարագյուղացիական միավորման նախագահ Հրաչ Բերբերյանն այն համոզման է, որ Հայաստանի գյուղատնտեսությունը թալանված ոլորտ է, և պետք է լուրջ հետազոտություններ իրականացնել պարզելու համար, օրինակ, Համաշխարհային բանկի ծրագրերով, այլ դոնորների տրամադրած գումարներով մեր երկրում իրականացվելիք ծրագրերն ինչու այդպես էլ իրականություն չդարձան։
«Ոչինչ չի փոխվել մեր բնագավառում։ Մենք այսօր երաշտի մեջ ենք, բարեբախտաբար, ջրամբարներում ջուր հավաքվեց, որը կարողանում ենք հասցնել գյուղացուն՝ փրկելով բերքը»,- ասաց Հրաչ Բերբերյանը։
Վերջինս նշեց, որ անցյալ տարվա համեմատ գյուղմթերքի ոլորտում նկատելի է գների կտրուկ աճ․ այս տարի ձմերուկի արժեքը երեք անգամ բարձր է, նույնն է նաև լոլիկի պարագայում:․
«Գյուղնախարարությունն էլի նույն ոճով փորձում է գյուղացիական տնտեսության վարկերն ուղղորդել գործարաններ, որոնք գյուղացուց պետք է 30-40 դրամով լոլիկ ընդունեն, իսկ նա այդ քայլը չի անի, հետևաբար, նախարարության այս քայլը խաբեություն է։ Բանկերին հարստացնելու ձև՞ եք գտել, ընկեր Կառավարություն, չէ՞ որ բարեփոխումներ պետք է արվեին»,- ասաց Ագրարագյուղացիական միավորման նախագահը՝ պնդլով, որ Կառավարությունը դեռ չի կատարել իր խոստումը և չեն հանվել գյուղացիների բանկային տույժ-տուգանքները։
Մանրամասները՝ տեսանյութում։
