12.08.2026 | 22:00
ԶՊՄԿ-ի պատմության լավագույն շրջանը
Թուրքիայում շղթայական վթարի հետևանքով տասնյակ տուժածներ կան
Քաղաքականություն
28.12.2023 | 13:45
Թուրքիայում խոշոր ավտովթար է տեղի ունեցել։ Ստամբուլի մայրուղու Դաղդիբի շրջանում խիտ մառախուղի պատճառով 7 տրանսպորտային միջոց, այդ թվում՝ 3 ավտոբուս և բեռնատար, շղթայական վթարի են ենթարկվել։ TRT Haber-ի հաղորդմամբ՝ վթարի հետևանքով զոհվել է 10, վիրավորվել՝ 59 մարդ։
Սաքարիայի նահանգապետ Յաշար Քարադենիզը հայտնել է, որ տուժածները բուժօգնություն են ստանում 10 տարբեր հիվանդանոցներում։
Առողջապահության նախարար Ֆահրեթթին Քոջան հայտարարել է, որ շղթայական վթարի հետևանքով տուժել է 59 մարդ, նրանցից 8-ի վիճակը ծանր է։ Նրանք շտապօգնության 30 մեքենաներով տեղափոխվել են հիվանդանոցներ։
Արդարադատության նախարար Յըլմազ Թունչն էլ հայտնել է, որ վթարի հետաքննությանը ներգրավվել է 3 դատախազ՝ գլխավոր դատախազի տեղակալի գլխավորությամբ։
Էմմա Չոբանյան
