06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Բայրամովը հայտարարել է, թե խաղաղության պայմանագիրը չի նշանակում «ամեն ինչի 100 տոկոսանոց լուծում»
Քաղաքականություն
25.12.2023 | 11:25
Ադրբեջանի ԱԳ նախարար Ջեյհուն Բայրամովը պետական AzTV-ի հետ հարցազրույցում հայտարարել է, թե Հայաստանի և Ադրբեջանի ներկայացուցիչների հանդիպումը սպասվում է հաջորդ տարի։ Նրա պնդմամբ՝ «Բաքուն խաղաղության պայմանագրի հետ կապված բոլոր կարևոր նախաձեռնությունների հեղինակն է»։
«Գործընթացը կախված չէ մի կողմի ցանկությունից, կարևոր է, որ երկու կողմերն էլ համապատասխան քայլեր ձեռնարկեն »,-ասել է Բայրամովը՝ նշելով, որ Հայաստանից դրական ազդակներ են լսում։ Ըստ նրա՝ Երևանը նոյեմբերի վերջին է փոխանցել խաղաղության պայմանագրի վերաբերյալ առաջարկների հաջորդ փաթեթը։
«Առաջարկությունների փաթեթը, որը մենք մշակել ենք մեկ ամսվա ընթացքում, ներկայացվել է Հայաստանին, գործընթացը շարունակվում է։ Կարծում եմ, որ հանդիպումները տեղի կունենան 2024 թվականին։ Մենք այս հարցին իրատեսորեն և լավատեսորեն ենք նայում։ Միաժամանակ, երբ մենք խոսում ենք խաղաղության պայմանագրի մասին, պետք է հասկանանք, որ այն չի նշանակում ամեն ինչի 100 տոկոսանոց լուծում»,-հայտարարել է Ադրբեջանի ԱԳ նախարարը։
