04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Սիսիան-Լծեն-Տաթև ճանապարհին մեքենա է կողաշրջվել․ տուժածներ չկան
16.12.2023 | 10:32
Դեկտեմբերի 15-ին` ժամը 17:25-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սիսիան-Լծեն-Տաթև ավտոճանապարհի 22-րդ կմ-ին ավտոցիստեռնը կողաշրջվել է․ անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Dongfeng մակնիշի ավտոմեքենան (վարորդ՝ Ֆ․ Ա․ Զ․, ԻԻՀ քաղաքացի) դուրս է եկել ճանապարհի երթևեկելի հատվածից և կողաշրջվել, ցիստեռնից (մոտ 22 տ) առկա է վառելիքի արտահոսք․ տուժածներ չկան։
Փրկարարներն արտահոսող վառելիքի հոսքն ուղղել են դեպի ոչ երթևեկելի հատված, կատարել ճանապարհի լվացման աշխատանքներ, 2 վերամբարձ կռունկի օգնությամբ ուղղել ավտոմեքենան և դուրս բերել ճանապարհի երթևեկելի հատվածից:
