05.08.2026 | 20:23
Կառավարությունը Նիկոլայ Ծատուրյանի մահարձանի և գերեզմանի բարեկարգման համար կհատկացնի ավելի քան 2 մլն դրամ
Վաշինգտոնը ողջունել է ռազմագերիների ազատ արձակումը
Քաղաքականություն
14.12.2023 | 11:11
Ամերիկայի Միացյալ Նահանգները ողջունել է հայ և ադրբեջանցի զինծառայողների փոխանակումը։ Այս մասին հայտարարել է ԱՄՆ պետքարտուղարության մամուլի խոսնակ Մեթյու Միլլերը։
«Սա մի բան է, որը մենք խրախուսել ենք, ակտիվորեն խրախուսել ենք երկու կառավարությունների հետ բանակցություններում: Մենք ողջունում ենք հայ և ադրբեջանցի կալանավորների վերադարձը և հայտնում ենք, որ քննարկվում են վստահության ամրապնդման լրացուցիչ միջոցներ: Մենք շարունակելու ենք աշխատել Հայաստանի և Ադրբեջանի հետ՝ գործընթացն առաջ տանելու համար։ Մենք շարունակում ենք հավատալ, որ խաղաղությունը հնարավոր է, եթե երկու կողմերն էլ պատրաստ լինեն հետամուտ լինել դրան»,-հայատարարել է ամերիկացի պաշտոնյան:
Միլլերը, սակայն, չի պատասխանել հարցին՝ արդյո՞ք հնարավոր է մոտ ապագայում պետքարտուղար Բլինքենի միջնորդությամբ երկու երկրների ԱԳՆ նախարարների հանդիպում։
