Քաղաքականություն
11.12.2023 | 13:16
ՀՀ ԱԳ նախարար Արարատ Միրզոյանը և Հունաստանի ԱԳ նախարար Յորղոս Գերապետրիտիսը Բրյուսելում հանդիպելլ են։
«Հունաստանի ԱԳ նախարար Յորղոս Գերապետրիտիսը և Հայաստանի արտգործնախարար Արարատ Միրզոյանը՝ ԵՄ ԱԳ նախարարների ոչ պաշտոնական հանդիպման շրջանակում»,- ասվում է Հունաստանի ԱԳՆ-ի X-ի էջում արված գրառման մեջ։
Հավելենք, որ այսօր Բրյուսելում ընթանում է ԵՄ ԱԳ նախարարների խորհրդի նիստը, որին մասնակցում է նաև ՀՀ ԱԳ նախարարը։ Բացի այդ, տեղի է ունենալու ԵՄ Արևելյան գործընկերության երկրների ԱԳ նախարարների հանդիպումը։
Նշենք, որ ավելի վաղ տեղի էր ունեցել Հայաստանի և Հունաստանի ԱԳ նախարարների հեռախոսազրույցը, որից պարզ էր դարձել, որ նախարարները հանդիպելու են երկուշաբթի Բրյուսելում։ Ի դեպ, Արտաքին հարաբերությունների խորհրդի շրջանակում Հունաստանի նախաձեռնությամբ տեղի է ունենալու ԵՄ ԱԳ նախարարների աշխատանքային նախաճաշ, որին Հայաստանի արտաքին գործերի նախարարը հրավիրված է որպես պաշտոնական հյուր։
Էմմա Չոբանյան
