16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ինչու «Պատիվ ունեմ»-ը չմասնակցեց իր առաջադրած թեկնածուի ընտրությանը
Քաղաքականություն
08.12.2023 | 19:38
Հայաստանի Ազգային ժողովը դեկտեմբերի 8-ի նիստում քննարկեց և մրցակցության պաշտպանության հանձնաժողովի անդամ ընտրեց Մանվել Բադալյանին։
Թեկնածուին առաջադրել էին ընդդիմադիր «Հայաստան» և «Պատիվ ունեմ» խորհրդարանական խմբակցությունները։
Թեկնածուի ընտրությանը մասնակցել են իշխող «Քաղաքացիական պայմանագիր» խմբակցությունը և «Հայաստան» խմբակցությունը, իսկ «Պատիվ ունեմը», որ առաջադրողներից մեկն էր` չմասնակցեց։ ՔՊ-ից Ռուբեն Ռուբինյանը մեկ ամբողջ ելույթ որոշեց նվիրել այս ամենն արձանագրելու համար։
Factor.am-ը «Պատիվ ունեմ»-ից պատգամավոր Թագուհի Թովմասյանից հետաքրքրվեց` ինչու չմասնակցեցին իրենց իսկ թեկնածուի քվեարկությանը։
«Մանվել Բադալյանը ԱԺ դահլիճում իրեն չդրսևորեց իբրև ընդդիմության կողմից առաջադրված թեկնածու, նա որևէ տարբերվող տեսակետ չհայտնեց: Ես ծանոթ էի իմ դասախոս պարոն Բադալյանի տեսակետներին և սպասում էի, որ պետք է առանձնանար իր հնչեցրած գնահատականներով, բայց չլսեցի նման բան: Դրա համար չմասնակցեցի քվեարկությանը»- ասաց Թագուհի Թովմասյանը։
Նարեկ Կիրակոսյան
