23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Բաքուն և Անկարան ռազմական ու կրթության ոլորտներում համագործակցության հարցեր են քննարկել
Քաղաքականություն
07.12.2023 | 18:33
Բաքվում ընթանում է Ադրբեջանա-թուրքական բարձր մակարդակի ռազմական երկխոսության 15-րդ հանդիպումը։ Այս մասին հայտնում է Ադրբեջանի ՊՆ-ն։
Հաղորդվում է, որ Ադրբեջանի պաշտպանության փոխնախարար Ագիլ Գուրբանովը հանդիպել է Թուրքիայի զինված ուժերի գլխավոր շտաբի երկրորդ պետ, բանակի գեներալ Իրֆան Օզսերթի գլխավորած պատվիրակությանը։ Հանդիպման ընթացքում «ընդգծվել է ադրբեջանա-թուրքական հարաբերությունների դրական ազդեցությունը կողմերի ռազմական համագործակցության վրա, վստահություն է հայտնվել, որ կողմերը կակտիվացնեն համատեղ զորավարժություններն ու միջոցառումները»։
Ադրբեջանի ՊՆ-ն նշում է, որ հանդիպմանը քննարկվել են ռազմական համագործակցության ներկա վիճակն ու հեռանկարները։
Իրֆան Օզսերթի գլխավորած պատվիրակությունն այսօր այցելել է նաև Բաքվի Հեյդար Ալիևի անվան ռազմական ինստիտուտ։ Հաստատության ղեկավար Հեյդար Փիրիևի մասնակցությամբ հանդիպմանը քննարկվել են ռազմակրթական ոլորտում երկկողմ համագործակցության ընթացիկ հարցերն ու հեռանկարները։
Ադրբեջանա-թուրքական բարձր մակարդակի ռազմական երկխոսության 15-րդ հանդիպումը տևելու է մինչև դեկտեմբերի 8-ը։
Էմմա Չոբանյան
