23.07.2026 | 21:40
Ֆրանսիայում, Իտալիայում և Իսպանիայում անտառային հրդեհների դեմ պայքար է․ Ֆրանսիայի հարավում ավելի քան 10,000 մարդ է տարհանվել
Ադրբեջանի Մեջլիսի նախագահը հայտարարել է, թե Բաքուն պատրաստ է շարունակել ՀՀ-ի հետ բանակցությունները
Քաղաքականություն
01.12.2023 | 15:41
Ադրբեջանի Միլլի Մեջլիսի նախագահ Սահիբա Գաֆարովան հայտարարել է Բաքվի պատրաստակամության մասին՝ շարունակելու Հայաստանի հետ խաղաղության շուրջ բանակցությունները։
«Ադրբեջանը պատրաստ է շարունակել բանակցությունները խաղաղության պայմանագրի կնքման համար»,- ասել է Գաֆարովան Գերմանիայի Բունդեսթագի նախագահ Բերբել Բասի հետ հանդիպման ժամանակ։
Նա նշել է, թե Ադրբեջանի և Հայաստանի միջև խաղաղության պայմանագրի ստորագրման համար որևէ խոչընդոտ չկա։
«Ադրբեջանը պատրաստ է Հայաստանի հետ խաղաղության՝ հիմնված երկու երկրների տարածքային ամբողջականության և ինքնիշխանության ճանաչման վրա»,- ասել է Մեջլիսի խոսնակը։
Հիշեցնենք՝ Բաքուն վերջին շրջանում արդեն երեք անգամ հրաժարվել է Հայաստանի հետ բանակցություններից՝ Գրանադայում, Բրյուսելում և Վաշինգտոնում։
Էմմա Չոբանյան
