22.11.2024 | 18:45
Ավինյանն ու Մարությանը կբանավիճեն Factor TV-ում, ՀՀ-ն և Վրաստանը կմրցեն Ազգերի լիգայում․ ԼՈՒՐԵՐ
Լարսում շուրջ 1000 հայկական բեռնատար է մնացել․ անցակետի փակ լինելը հիմնավորվում է վատ եղանակով
Քաղաքականություն
28.11.2023 | 11:34
ՌԴ-Վրաստան սահմանի Վերին Լարսի անցակետում սպասող բեռնատարների թիվը գերազանցել 2,6 հազարը։ Այս մասին ասված է Հյուսիսային Օսիայի ճանապարհային երթևեկության կազմակերպության կայքէջում։
Էլեկտրոնային հերթագրման շտեմարանի տվյալների համաձայն՝ այս պահի դրությամբ ՌԴ-ից Վրաստան մուտքի համար հերթագրված է 2678 բեռնատար ավտոմեքենա։ Ճանապարհով երթևեկությունը սահմանափակվել է նոյեմբերի 26-ին վատ եղանակի հիմնավորմամբ, հաջորդ օրը ճանապարհն ամբողջությամբ փակվել է։
Նշենք, որ սա միակ գործող ցամաքային ճանապարհն է, որը ՌԴ-ն միացնում է ՀՀ-ի ու Վրաստանի հետ։ Ըստ հրապարակված տվյալների՝ սահմանին սպասող բեռնատարներից 964-ը ունեն ՀՀ պետհամարանիշ։
Հիշեցնենք, որ նոյեմբերի 27-ի գիշերը Ռուսաստանի հարավում գրանցվել է դիտարկումների ողջ պատմության ընթացքում արձանագրված ամենահզոր փոթորիկը։ ՌԴ ԱԻՆ-ը հայտարարել է, որ անհնար է ապահովել տրանսպորտային միջոցների անվտանգ երթևեկությունը և խորհուրդ է տվել ձեռնպահ մնալ այս ուղղությամբ երթևեկելուց։
