02.11.2024 | 15:55
Չինաստանում մեկնարկել է Խաչատրյանի անվան պատանեկան միջազգային մրցույթի եզրափակիչ փուլը
Գագիկ Ջհանգիրյանը «Մարտի 1»-ի գործի վերաբերյալ խոսելու որոշում դեռ չունի
Քաղաքականություն
27.07.2018 | 12:07
Ինչպես արդեն հայտնել ենք, այս պահին Շենգավիթի ընդհանուր իրավասության առաջին ատյանի դատարանում ընթանում է պաշտոնաթող նախագահ Ռոբերտ Քոչարյանին կալանավորելու միջնորդության քննությունը։
Դատական նիստը, հիշեցնենք, մեկնարկել էր երեկ գիշերը, այն բանից հետո, երբ Քոչարյանը ՀՔԾ-ում կարճատև հարցաքննվել էր, սակայն տեղեկանալով, որ իր կարգավիճակը փոխվում է ՝ վկայից մեղադրյալի, հրաժարվել էր ցուցմունք տալ։ Քոչարյանը չէր ներկայացել երեկվա դատական նիստին, քանի որ ինչպես նրա փաստաբանն էր նշել, պատշաճ ծանուցված չէր եղել։ Այսօր, սակայն, նա ներկայացել է դատարան և այժմ մասնակցում է դատական նիստին։
Ի՞նչ է մտածում այս զարգացումների մասին ԱԺ ՀԱԿ խմբակցության նախկին պատգամավոր, նախկին զինդատախազ, «Մարտի 1»-ի գործով կալանավորված Գագիկ Ջհանգիրյանը, որը ԱԺ ամբիոնից մշտապես բարձրաձայնել է ժողովրդի վրա կրակելու հրաման տվողներին պատասխանատվության ենթարկելու մասին, Factor.am-ը փորձեց պարզել պարոն Ջհանգիրյանից, որը, սակայն, չցանկացավ մեկնաբանություն տալ:
«Ես այս պահին խոսելու որոշում դեռ չունեմ։ Երբ նման որոշում կայացնեմ, կխոսեմ»,- փոխանցեց պարոն Ջհանգիրյանը և շտապեց անջատել հեռախոսը։
Աղավնի Սուքիասյան
