24.01.2026 | 20:33
«Ինտերը» հայերեն գրառում է արել Հենրիխ Մխիթարյանի գոլի առթիվ․ ՏԵՍԱՆՅՈՒԹ
ՄՊՀ-ն 76.3 մլն դրամի չափով տուգանել է «Սիթի» ընկերությանը՝ բանակցային ուժեղ դիրքի չարաշահման համար. ընկերությունն ընդունել է իրավախախտումը
Հասարակություն
10.11.2023 | 12:27
Մրցակցության պաշտպանության հանձնաժողովը 76 340 000 դրամի չափով տուգանք է նշանակել «Սիթի» ՍՊԸ-ի նկատմամբ բանակցային ուժեղ դիրքի չարաշահման համար․ տեղեկացնում են ՄՊՀ-ից։
Հանձնաժողովն ուսումնասիրել է 2022 թվականի հունվարի 1-ից մինչև դեկտեմբերի 31-ն ընկած ժամանակահատվածում մի շարք առաջնային անհրաժեշտության պարենային ապրանքների ձեռքբերման և իրացման գործընթացում ընկերության վարքագիծը։
Պարզվել է, որ կարագ ապրանքի իրացման գործընթացում «Սիթի» ընկերության վարքագիծը պարունակել է խտրական պայմանների կիրառման, մրցակցի ապրանքների իրացման համար էական նշանակություն ունեցող պայմանների միջև չհիմնավորված տարբերությունների սահմանման կամ կիրառման հատկանիշներ: Մասնավորապես՝ ապրանքների իրացման գործընթացում առանց հիմնավոր չափանիշների առկայության կիրառվել են շահութաբերության այնպիսի մարժաներ, որի արդյունքում «Սիթի» ընկերության հետ փոխկապակցված «Ալեքս ընդ Հոլդինգ» ընկերության մրցակիցների համանման ապրանքները վաճառվել են առավել բարձր գներով, ինչն էլ իր հերթին «Ալեքս Էնդ Հոլդինգ» ընկերության համար առաջացրել է մրցակցային առավելություն՝ ապահովելով իրացման զգալի մեծ ծավալներ։
Ընկերությունն ընդունել է իրավախախտման փաստը:
Որոշումը հասանելի է հետևյալ հղմամբ՝ https://shorturl.at/pxHT4 :
