17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Դատարանը 10 մլն դրամ գրավ կիրառեց Կարապետ Գուլոյանի նկատմամբ` վերացնելով «բացակայելու արգելք» խափանման միջոցը
Քաղաքականություն
03.11.2023 | 20:10
Հակակոռուպցիոն դատարանը` նախագահությամբ դատավոր Արամ Գրիգորյանի, այսօր վերացրեց Աբովյանի նախկին քաղաքապետ, «Բարգավաճ Հայաստան» կուսակցության առաջնորդ Գագիկ Ծառուկյանի փեսա Կարապետ Գուլոյանի նկատմամբ ընտրված խափանման միջոց բացակայելու արգելքը և նրա նկատմամբ խափանման միջոց ընտրեց 10 մլն դրամ գրավը:
Բացակայելու արգելքը» գրավով փոխարինելու միջնորդությունը դատարանին ներկայացրեց Գուլոյանի պաշտպան Հունան Բաբայանը` նշելով, որ նախաքննության ընթացքում Գուլոյանը, գործնական նպատակով, ինչպես նաև ծնողների առողջական խնդիրներով պայմանավորված, տասնյակ անգամ, վարույթն իրականացնող մարմնի թույլտվությամբ, լքել է Հայաստանը և, պատշաճ վարքագիծ դրսևորելով, վերադարձել:
Այսօրվա դատական նիստը շարունակվեց նաև աշխատանքային ժամից հետո և ավարտվեց Գուլոյանի խափանման միջոցը հարցով որոշման հրապարակմամբ:
Կարապետ Գուլոյանը նիստի ավարտից հետո հարցերի չպատասխանեց` նշելով, որ դատավարություն է ընթանում, որի շրջանակներում ինքը կպատասպանի բոլոր հարցերին:
Արաքս Մամուլյան
