22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգեցին դատարանի առաջ.ՄԻԵԴ վճիռն անտեսվեց. ՏԵՍԱՆՅՈՒԹ
Ալեն Սիմոնյանն ԱԺ պատգամավորներին պարգևատրելու կարգադրություն է ստորագրել․ առիթը ՀՀ անկախության 32-ամյակն է
Քաղաքականություն
25.10.2023 | 21:10
Factor.am-ի տեղեկություններով` ԱԺ նախագահ Ալեն Սիմոնյանն այսօր կարգադրություն է ստորագրել պատգամավորներին և աշխատակազմին ՀՀ անկախության 32-ամյակի առթիվ պարգևավճար բաժանելու վերաբերյալ։
Այս տեղեկությունն ԱԺ նախագահի մամուլի խոսնակ Ծովինար Խաչատրյանը ո՛չ հերքեց, ո՛չ հաստատեց՝ առաջարկելով հետևել ԱԺ պաշտոնական կայքում հրապարակվող կարգադրություններին։
ԱԺ-ից Factor.am-ի մեկ այլ աղբյուր էլ տեղեկացրեց, որ այս պարգևատրումը դեռ մեկ ամիս առաջ էր լինելու, սակայն, պայմանավորված Արցախում սկսված նախ պատերազմական, իսկ հետո` բռնի տեղահանման իրավիճակով, ՔՊ-ականներն այդ փուլում զսպել են իրենց ու չեն պարգևատրվել։ Հիմա, ըստ էության, լրագրողների և քննադատների հարցադրումներին ի պատասխան նրանք մատնացույց են անելու արցախցիներին տրվող սոցիալական աջակցությունները։
Իսկ թե ԱԺ պատգամավորները ի՞նչ արդյունք են ապահովել, որ պարգևատրման են արժանանում, անհայտ է։ Սակայն, ակնհայտ է, որ ՀՀ անկախության օրը Հայաստանում տոնական տրամադրություն չկար, ժողովուրդը սգում էր Արցախի և սեպտեմբերի 19-ի զոհերի կորուստը։
Նարեկ Կիրակոսյան
