18.02.2026 | 14:44
Իրանի և Ռուսաստանի ռազմածովային ուժերը վաղը համատեղ զորավարժություններ կանցկացնեն
ԱՄՆ պետքարտուղարությունը պատասխանել է Լավրովի մեղադրանքներին․ ԱՄՆ նպատակն է ապահովել ԼՂ ժողովրդի իրավունքների պաշտպանությունը
Քաղաքականություն
11.10.2023 | 10:56
Հարավային Կովկասում մեր միակ նպատակը հարատև խաղաղություն ու կայունություն հաստատելն է, ինչպես նաև Լեռնային Ղարաբաղի ժողովրդի իրավունքների պաշտպանության ապահովումը։ Այսպես է ԱՄՆ պետքարտուղարության խոսնակ Մեթյու Միլլերն արձագանքել ՌԴ ԱԳ նախարար Սերգեյ Լավրովի՝ նախօրեին հրապարակված հոդվածին, որում Լավրովն Արևմուտքին մեղադրել էր Հարավային Կովկասում աշխարհաքաղաքական նկրտումներ ունենալու մեջ։
«Դա ամենևին ճիշտ չէ։ Հարավային Կովկասում մեր միակ նպատակն է ապահովել Հայաստանի և Ադրբեջանի միջև հարաբերություններում տևական խաղաղություն և կայունություն, և, իհարկե, ապահովել, որ Լեռնային Ղարաբաղի ժողովրդի մարդասիրական կարիքները և իրավունքները պաշտպանված լինեն», – հայտարարել է ամերիկացի պաշտոնյան։
Լրագրողի այն հարցին, թե արդյոք պետքարտուղարությունը որևէ հայտարարություն ունի այս օրերին Կովկասյան բանակցությունների հարցերով ԱՄՆ պետքարտուղարի ավագ խորհրդական Լուիս Բոնոյի և Բաքվի պաշտոնյաների միջև հանդիպումների շուրջ, Միլլերը նշել է, որ առայժմ հրապարակման ենթակա որևէ մանրամասն չկան։
