Factor.am-ն այսօր հարցազրույց էր հրապարակել Արցախից բռնի տեղահանված Էլմիրա Աբրահամյանի հետ։ 62-ամյա կինը Factor TV-ի հետ զրույցում նշել էր, որ սեպտեմբերի 18-ից կորցրել է կապն ընտանիքի անդամների հետ, իր տնից` Մարտակերտի շրջանի Խնկավան գյուղից գերեվարվել Ադրբեջանի զինծառայողների կողմից, բռնությունների ենթարկվել։ Նրան տեղափոխել էին Քարվաճառ։
Էլմիրա Աբրահամյանը հարցազրույցի ընթացքում նշել էր, որ իր ընտանիքի անամները տեղեկություն չունեն իր մասին, կարծում են, թե մահացած է։ Նա խնդրել էր, որ իր խոսքը տարածենք, որպեսզի ընտանիքը գտնի իրեն։
Հարցազրույցը հրապարակելուց հետո Factor.am-ի հետ կապ են հաստատել Էլմիրա Աբրահամյանի երեխաները, որոնց փոխանցել ենք, որ իրենց մայրն այս պահին Գեղարքունիքի մարզում է։ Ընտանիքի անդամների միջև կապը հաստատել ենք Գեղարքունիքի մարզպետ Կարեն Սարգսյանի աջակցությամբ։
Մանրամասները՝ տեսանյութում։
Նարեկ Կիրակոսյան
