08.12.2025 | 16:06
ԱՄՆ-ը նախատեսում է առաջիկա երկու տարիների ընթացքում Ուկրաինային 800 միլիոն դոլարի ռազմական աջակցություն հատկացնել
Ժողովրդավար պետության համբավը, եթե օգտագործենք բռնատիրական Ադրբեջանի դեմ, մեծ դիվիդենտներ կշահենք․ Ռուբեն Սաֆրաստյան․ ՏԵՍԱՆՅՈՒԹ
Քաղաքականություն
20.07.2018 | 13:37
Արևելագիտության ինստիտուտի տնօրեն, թուրքագետ Ռուբեն Սաֆրաստյանի համոզմամբ՝ ՀՀ-ն սկսում է այնպիսի քաղաքական գիծ որդեգրել, որը հետագայում տարածաշրջանում կարող է մեզ համար ուրույն տեղ ապահովել։
«Այն լեզուն, այն բառակազմը, որն օգտագործվեց բրյուսելյան հանդիպումների ժամանակ, արտահայտեց մեր ինքնությունը, մենք հանդիպեցինք ոչ թե խնդրողի կամ վախեցողի դիրքից, այլ հանդիպեցինք՝ լինելով մենք։ Ես հույս ունեմ, որ եթե մենք կարողանանք այս քաղաքական գիծը շարունակել, արտաքին քաղաքականության մեջ կհասնենք տեսանելիության»,- այսօր լրագրողների հետ հանդիպման ժամանակ ասաց թուրքագետը։
Ռուբեն Սաֆրաստյանը նշեց, որ վարչապետ Նիկոլ Փաշինյանի բրյուսելյան այցից հետո ՆԱՏՕ անդամ պետություններն առաջին ձեռքից ստացան Հայաստանի մասին տեղեկություն, որն արդեն ունի ժողովրդավարական զարգացում ապահովող երկրի իմիջ, ինչը շատ կարևոր է տարածաշրջանում․ «Եթե մենք կարողանանք սա օգտագործել Ադրբեջանի բռնատիրական ռեժիմի դեմ, կարծում եմ, մեծ դիվիդենտներ կապահովենք»։
Մանրամասները՝ տեսանյութում։
