02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
ԼՂ միջազգային դիտորդական առաքելություն ուղարկելու հստակ մեխանիզմները քննարկվում են տարածաշրջանի դաշնակիցների և գործընկերների հետ․ Պետքարտուղարություն
Քաղաքականություն
27.09.2023 | 10:51
Լեռնային Ղարաբաղ միջազգային դիտորդական առաքելության ուղարկման հստակ մեխանիզմները քննարկվում են տարածաշրջանի դաշնակիցների և գործընկերների հետ։ Այս մասին հայտարարել է ԱՄՆ պետքարտուղարության խոսնակ Մեթյու Միլլերը։
«Ճշգրիտ մեխանիզմը տարածաշրջանում մեր դաշնակիցնեի ու գործընկերների հետ քննարկման թեմա է մնում, և ես չեմ ցանկանում առաջ ընկնել ու ասել, թե ինչպիսին այն կարող է լինել, քանի դեռ մենք չենք ավարտել քննարկումները։ Կասեմ, որ պետքարտուղարն այսօր կրկին խոսել է նախագահ Ալիևի հետ ու ընդգծել է հետագա ռազմական գործողությունների դադարեցման հրատապությունը, որ խաղաղ բնակչության համար պետք է անվերապահ պաշտպանություն և ազատ տեղաշարժ լինի, որ մարդասիրական օգնությունը պետք է անարգել մուտք գործի դեպի Լեռնային Ղարաբաղ»,-հայտարարել է Միլլերը՝ նշելով , որ Ալիևը Բլինքենին հավաստիացրել է, որ հետագայում ռազմական գործողություններ չեն լինի ու պատրաստ է դիտորդական առաքելություն ընդունել, իսկ ԱՄՆ հույս է հայտնել, որ վերջինս կպահի իր խոսքը:
Լրագրողի այն հարցին, թե արդյո՞ք դեսպան Քիմն ու Սամանթա Փաուերը ծրագրում են Ադրբեջան այցելել, Միլլերը նշել է, որ այս առումով որևէ հայտարարություն չունի, քանի դեռ նրանք տարածաշրջանում են։
