30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Նախագահ Բայդենն է ինձ խնդրել՝ գալ ՀՀ և ուղերձ փոխանցել. Սամանթա Փաուեր. ՏԵՍԱՆՅՈՒԹ
Քաղաքականություն
25.09.2023 | 20:33
ԱՄՆ նախագահ Ջո Բայդենն է խնդրել ԱՄՆ Միջազգային զարգացման գործակալության տնօրեն Սամանթա Փաուերին, որ նա այցելի Հայաստան և իր անունից փոխանցի ուղերձ, որ ԱՄՆ-ն աջակցում է Հայաստանի ինքնիշխանությանը, տարածքային ամբողջականությանը և ժողովրդավարությանը: Սամանթա Փաուերն այս մասին ասաց Հայաստանում ԱՄՆ դեսպանությունում հրավիրված ասուլիսում:
«Ես Հայաստանում եմ, քանի որ նախագահ Բայդենը ինձ խնդրել է, որ ես գամ Հայաստան: Սա նախապես պլանավորված այցելություն չէր: Այս այցը տեղի ունեցավ, քանի որ նախագահ Բայդենը խնդրեց, որ գամ և իր անունից ուղերձ փոխանցեմ վարչապետին, ուղերձ առ այն, որ Միացյալ Նահանգները աջակցում է Հայաստանի ինքնիշխանությանը, տարածքային ամբողջականությանը և ժողովրդավարությանը»,-ասաց Փաուերը:
ԱՄՆ Միջազգային զարգացման գործակալության տնօրենը հավելեց՝ իր համար պատիվ է, որ ուղերձը ԱՄՆ պետքարտուղարի տեղակալ Յուրի Քիմի հետ փոխանցել է Հայաստանի վարչապետ Նիկոլ Փաշինյանին:
Մանրամասները՝ տեսանյութում։
