08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Չնայած Ադրբեջանի հրապարակային հավաստիացումներին՝ ԼՂ բնակիչների հետ կապված մտավախություններ կան․ BBC-ի անդրադարձը
Հասարակություն
25.09.2023 | 13:41
Ադրբեջանը այս շաբաթվա սկզբին իր վերահսկողության տակ է վերցրել մոտ 120,000 էթնիկ հայերով բնակեցված ԼՂ-ն և ասում է, որ ցանկանում է վերաինտեգրել նրանց որպես Ադրբեջանի «հավասար քաղաքացիներ», գրում է BBC-ն։ Ըստ լրատվամիջոցի՝ Հայաստանը զգուշացնում է, որ ԼՂ-ում բնակվող հայերը կարող են ենթարկվել էթնիկ զտումների՝ տեղեկացնելով, որ արդեն իսկ ՀՀ-ն են մուտք գործել ԼՂ բնակիչներ։
«Հարավային Կովկասում գտնվող Լեռնային Ղարաբաղը թեպետ միջազգայնորեն ճանաչված է որպես Ադրբեջանի մաս, սակայն երեք տասնամյակ վերահսկվում է էթնիկ հայերի կողմից:
Անկլավին աջակցել է Հայաստանը, ինչպես նաև նրանց դաշնակից Ռուսաստանը, որը տարիներ շարունակ այնտեղ հարյուրավոր զինվորներ է ունեցել»-, գրում է BBC News-ը՝ անդրադառնալով Արցախում ստեղծված իրավիճակին:
Լրատվականը հիշեցնում է , որ անցյալ շաբաթ ադրբեջանական բանակի ներխուժման հետևանքով առնվազն 200 էթնիկ հայերի և տասնյակ ադրբեջանցի զինվորների հետ միասին հինգ ռուս խաղաղապահ է սպանվել։
BBC-ն նշում է, որ չնայած Ադրբեջանի հրապարակային հավաստիացումներին, Լեռնային Ղարաբաղի բնակիչների հետ կապված շարունակական մտավախություններ կան, քանի որ հրադադարից ու զինաթափումին համաձայնելուց հետո ընդամենը 70 տոննա պարենամթերքի միայն մեկ օգնություն է թույլատրվել հասցնել ԼՂ բնակիչներին։
«ԼՂ հայ առաջնորդները հայտնում են, որ հազարավոր մարդիկ առանց սննդի կամ կացարանի են և քնում են նկուղներում, դպրոցների շենքերում կամ դրսում»,- գրում է լրատվամիջոցը և հիշեցնում, որ Հայաստանի վարչապետն իր հեռուստաուղերձում ակնարկել է, որ Ռուսաստանը հակամարտությունում չի պաշտպանել ՀՀ-ին։ Ինչպես նշում է պարբերականը, Փաշինյանի մեկնաբանությունները կրկնում էին այն քննադատությունները, որ Մոսկվան փաստացիորեն Լեռնային Ղարաբաղը հանձնել է Ադրբեջանին, իսկ այս մեղադրանքները Ռուսաստանի արտգործնախարարը որակել էր որպես «ծիծաղելի»:
«Երևանն ու Բաքուն իրականում կարգավորել են իրավիճակը»,- ասել էր Սերգեյ Լավրովը ՄԱԿ-ի Գլխավոր ասամբլեայում։ «Եկել է փոխադարձ վստահության ամրապնդման ժամանակը։
