18.02.2026 | 10:32
NYMEX․ Ոսկու գինը նվազել է 1.92%-ով և կազմել 4874.50 դոլար
Հնդկաստանի հետ անվտանգային ոլորտում համագործակցությունը խորանում է. Երևանում ռազմական կցորդ կնշանակվի. Արմեն Գրիգորյան
Քաղաքականություն
22.09.2023 | 00:19
Հնդկաստանը Հայաստանում ռազմական կցորդ է նշանակում։ Այս մասին հայտնել է ՀՀ Անվտանգության խորհրդի քարտուղար Արմեն Գրիգորյանը։
Հայ պաշտոնյան այս որոշումը հիմնավորել է այն հանգամանքով, որ Երևանն ու Նյու Դելին խորացնում են համագործակցությունը ռազմական ոլորտում։
«Սա նշանակում է, որ մեր համագործակցությունն անվտանգության ոլորտում այնպիսին է, որ անհրաժեշտություն կա ավելի բարձր մակարդակով հարաբերություններ ունենալ։ Այս պահին կարող եմ ասել, որ Հնդկաստանի հետ ունենք շատ լավ հարաբերություններ անվտանգության ոլորտում, որը տարածվում է այլ ոլորտներում»,- նշել է Արմեն Գրիգորյանը։
Հիշեցնենք՝ Հայաստանը 44-օրյա պատերազմից հետո սկսել է Հնդկաստանից ժամանակակից զենքեր գնել, որոնք, ըստ փորձագետների, արտադրվում են նաև Ֆրանսիայի հետ համագործակցությամբ։
