05.12.2025 | 13:42
«Իրենք զոռով մտել են Յոթ Վերք, ի՞նչ կարող ենք անել»․ Փաշինյանի այցի պատճառով Տեր Գառնիկն այլ եկեղեցում կպատարագի
Պեսկովը հայտարարել է, որ Հայաստանի և ԱՄՆ-ի զորավարժությունների մասին լուրերը «մտահոգություն են առաջացնում»
Քաղաքականություն
06.09.2023 | 14:14
Հայաստանի տարածքում հայ-ամերիկյան համատեղ զորավարժություններ անցկացնելու մասին տեղեկատվությունը մտահոգություն է առաջացնում: Մոսկվան խորապես վերլուծելու է այս իրավիճակը և հետևելու է զարգացումներին։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Զորավարժությունների մասին լուրերը, իհարկե, մտահոգություն են առաջացնում, հատկապես՝ ներկա իրավիճակում։ Ուստի մենք խորապես վերլուծելու ենք այդ լուրերը և հետևելու ենք իրավիճակին»,- ասել է Պեսկովը։
ՀՀ ՊՆ-ն ավելի վաղ հաղորդել էր, որ Միջազգային խաղաղապահ առաքելություններում մասնակցության նախապատրաստման շրջանակում սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, անցկացվելու են «Արծիվ գործընկեր 2023» հայ-ամերիկյան համատեղ զորավարժությունները։
Էմմա Չոբանյան
