05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
7 ամսվա տնտեսական աճը բարձր է Կառավարության նախանշվածից․ Քերոբյան․ ՏԵՍԱՆՅՈՒԹ
Տնտեսություն
05.09.2023 | 16:06
Առաջին 7 ամիսների տնտեսական աճի արդյունքներն անհամեմատ ավելի բարձր են, քան կառավարության՝ 2023-ի բյուջեով դրված թիրախները: Այս մասին այսօր՝ սեպտեմբերի 5-ին, ԱԺ-ում հայտարարել է ՀՀ էկոնոմիկայի նախարար Վահան Քերոբյանը։
«Մեր կանխատեսումներն այս տարվա համար մեզ վստահություն են տալիս, որ մենք, այնուամենայնիվ, կգերակատարենք կառավարության բյուջեով հաստատած թիրախները: Կառավարությունն իր ծրագրի իրականացման ընթացքում նաև կապահովի հաջորդ տարիների նախանշած տնտեսական աճի ցուցանիշները, խոսքը 7 տոկոս տնտեսական աճի մասին է»,- ասել է նա։
Անդրադառնալով արտահանմանը՝ նախարարը հայտնեց, որ տարվա առաջին կիսամյակի տվյալներով ծառայությունների և ապրանքների արտահանումը ՀՆԱ-ի նկատմամբ կազմել է մոտ 57 տոկոս, ինչը, ըստ Քերոբյանի, ռեկորդային ցուցանիշ է։
Մանրամասները՝ տեսանյութում։
