10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Պուտինը Թրամփին առաջարկել է քննարկել երկկողմ հարաբերությունների «ցավոտ կետերը». ՏԵՍԱՆՅՈՒԹ
Քաղաքականություն
16.07.2018 | 16:16
Հելսինկիի նախագահական պալատում մեկնարկել է Վլադիմիր Պուտին-Դոնալդ Թրամփ դեմառդեմ հանդիպումը, որին նախորդել էր նեղ կազմով բաց հանդիպումը. տեղեկացնում է ria.ru-ն:
«Մենք պարբերաբար խոսել ենք հեռախոսով ու մի քանի անգամ հանդիպել միջազգային տարբեր միջոցառումների հարթակներում: Եվ հիմա ժամանակն է մանրամասն խոսել մեր երկկողմ հարաբերությունների և աշխարհի տարբեր «ցավոտ կետերի» մասին, իսկ դրանք բավականին շատ են»,- ասել է Պուտինը:
Ի պատասխան Թրամփը հայտարարել է, որ ամբողջ աշխարհն է հետաքրքրված Մոսկվայի և Վաշինգտոնի միջև լավ հարաբերությունների հաստատմամբ: «Մեր երկու երկրները մեծ հնարավորություն ունեն զարգացնելու մեր հարաբերությունները», – ասել է նա:
ԱՄՆ նախագահը նշել է, որ ցանկանում է խոսել առևտրի, ռազմական հարցերի՝ այդ թվում երկու երկրների միջուկային ներուժի ու Չինաստանի մասին:
Աղբյուրը մանրամասնում է, որ Թրամփ-Պուտին դեմառդեմ հանդիպումը կտևի մեկուկես ժամ, ինչին կհաջորդեն ընդլայնված կազմով բանակցությունները՝ ենթադրաբար 1 ժամ 45 րոպե տևողությամբ:
