10.10.2026 | 18:18
ԶՈՒ ԳՇ պետն այցելել է մի շարք զորամասեր
Ադրբեջանը պետք է հասկանա՝ Սերժ Սարգսյանն իր կողոպտիչների բանդայով այլևս պետության մեջ դերակատար չէ․ Լևոն Շիրինյան․ ՏԵՍԱՆՅՈՒԹ
Քաղաքականություն
16.07.2018 | 15:30
Քաղաքագետ Լևոն Շիրինյանը պատերազմի վերսկսումն այս փուլում քիչ հավանական է համարում, քանի որ հեղափոխությունից հետո բանակի կառավարման մակարդակը լավացել է հատկապես հայտնի կոռուպցիոներներին հեռացնելուց հետո, և այսօր մենք ունենք Գլխավոր շտաբի լավագույն պետ իր տեղակալներով:
«Մեր բանակի ոգին բոլորովին այլ է, և ապրիլյան պատերազմի խոցը չկա, երբ շատերի մոտ հարց կար՝ ՀՀ-ի իշխանությունն իրենց դավելու է, թե ոչ։ Հիմա այս հարցերը չկան, հետևաբար, մեր դիրքերն ավելի ուժեղ են։ Ադրբեջանն այս իրավիճակում, եթե համարձակվի հարձակվել, ապա էշ է, քանի որ այս անգամ մեր բանակը կշարժվի Քուռ-Արաքսի խառնարան․ Քռի և Արաքսի ափեր պետք է դուրս գանք, ես առաջարկում եմ Ալիևին գործողությունները սկսել»,- այսօր լրագրողների հետ հանդիպման ժամանակ ասաց քաղաքագետը՝ ընդգծելով, որ Ադրբեջանում տիրող ժամանակահատվածը նպաստավոր է նման գործողություններ սկսելու համար։
Ըստ քաղաքագետի՝ Ադրբեջանը պետք է հասկանա՝ Սերժ Սարգսյանն իր կողոպտիչների բանդայով այլևս պետության մեջ դերակատար չէ, բանակից արյուն էին քամում և հարստանում էին, իսկ հիմա այս վիճակը չկա։
Խոսելով սփյուռքում ՀՀ-ի լոբբիստական աշխատանքների մասին, Լևոն Շիրինյանը նկատեց, որ նոր իշխանության հաստատումից հետո այդ լոբբիստական աշխատանքն է՛լ ավելի լավ է կատարվելու։
Մանրամասները տեսանյութում։
