04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Ադրբեջանցները կրկին թիրախավորել են «Սյունիք» օդանավակայանը. հյուրերին շտապ տարհանել են
Քաղաքականություն
19.08.2023 | 18:14
Ադրբեջանական կողմից կրկին թիրախավորվել է Կապան քաղաքի «Սյունիք» օդանավակայանը։ Այս մասին X-ի միկրոբլոգում գրել է ՀՀ վարչապետի աշխատակազմի Հանրային կապերի և տեղեկատվության կենտրոնի տնօրեն Գոռ Ծառուկյանը։
«Անվտանգության աշխատակիցները հյուրերին շտապ տարհանել են տարածքից։
Չնայած հարձակմանը՝ ինքնաթիռը բարեհաջող վայրէջք է կատարել։ Ինքնաթիռում եղել են վարչապետի աշխատակազմի ղեկավար Արայիկ Հարությունյանը, Անվտանգության խորհրդի քարտուղար Արմեն Գրիգորյանը, փոխնախարարներ, քաղաքացիներ։
Նման ահաբեկչության գործողությունները վտանգում են անմեղ կյանքերն ու կայունությունը»,- գրել է նա։
Այսօր՝ օգոստոսի 19-ին, Կապանի օրվա առիթով տեղի է ունեցել Երևան-Կապան ներկայացուցչական չվերթ, որից հետո արդեն հաջորդ շաբաթվանից կլինեն կանոնավոր չվերթներ:
Հիշեցնենք՝ օգոստոսի լույս 18-ի գիշերը ժամը 04։24-ին ադրբեջանական կողմից, դեռևս չպարզաբանված ավտոմեքենայով Հայաստան-Ադրբեջան սահմանագծի ՀՀ Սյունիքի մարզի Կապանի «Սյունիք» օդանավակայանի հարակից տարածք եկած անհայտ անձն Ադրբեջանի տարածքից երեք կրակոց է արձակել Կապանի «Սյունիք» օդանավակայանի ուղղությամբ և հեռացել։ Փամփուշտներից երկուսը վնասել են օդանավակայանի պատուհաններից մեկը և տանիքը։
#Azerbaijan'i terrorists once again targeted the 'Syunik' civil airport in Kapan, #Armenia. Security personnel swiftly evacuated guests from the premises. While a plane successfully landed despite the attack, notable figures like Arayik Harutyunyan, Head of the PM's Office, Armen… pic.twitter.com/5F2F2NT0ZO
— Gor Tsarukyan (@GorTs91) August 19, 2023
