17.12.2025 | 21:49
Լավրովն ու Արաղչին քննարկել են Հյուսիս-Հարավի համար ռազմավարական Ռեշտ-Աստարա երկաթուղու շինարարությունը
Ադրբեջանական ԶՈՒ-ն կրակ է բացել ԵՄ դիտորդների ուղղությամբ․ ՀՀ ՊՆ
Քաղաքականություն
15.08.2023 | 15:09
Օգոստոսի 15-ին՝ ժամը 12:20-ի սահմաններում, Ադրբեջանի ԶՈՒ ստորաբաժանումները հրաձգային զենքից կրակ են բացել Վերին Շորժայի ուղղությամբ պարեկություն իրականացնող ԵՄ դիտորդների և նրանց պատկանող ավտոմեքենայի ուղղությամբ: Այս մասին հայտնում են ՀՀ ՊՆ-ից։ Տուժածներ չկան:
Հիշեցնենք՝ երեկ Հայաստանում ԵՄ առաքելությունը հայտարարել էր, որ հայ-ադրբեջանական սահմանին անսովոր ռազմական տեղաշարժ և կուտակումներ չկան, հատկապես՝ Լաչինի միջանցքի մոտ։ «ԵՄ առաքելությունը հայ ադրբեջանական սահմանի երկայնքով ամենօրյա ռեժիմով իր 4 բազաներից իրականացնում է անվտանգային և ռազմական իրավիճակի մշտադիտարկում։ Տեղերից ստացած տեղեկության հիման վրա մենք չենք տեսնում, որ կա անսովոր ռազմական տեղաշարժ կամ կուտակում, հատկապես` Լաչինի միջանցքի մուտքի մոտ։ Մենք շարունակում ենք տարածքների մշտադիտարկումը»,- ասված է գերատեսչության Twitter-ի միկրոբլոգում։
Ավելի վաղ Ադրբեջանի ԱԳՆ-ն հայտարարել էր, որ Հայաստանը, իբր, «սահմանին մեծ քանակությամբ զենք և ռազմական տեխնիկա է կենտրոնացնում»:
