16.12.2025 | 20:08
Գավառի տարածաշրջանում թույլ ձյուն է տեղում
ՀՀ-ն Լեռնային Ղարաբաղի հարցում վարել է ֆեյք քաղաքականություն. Նիկոլ Փաշինյան․ ՏԵՍԱՆՅՈՒԹ
Քաղաքականություն
25.07.2023 | 15:51
«Մեր ֆունդամենտալ պրոբլեմն այն է, որ մենք ասում ենք, որ մենք գտնվում ենք Ռուսաստանի և Արևմուտքի և արանքում։ Սա ո՛չ լավ է, ո՛չ վատ, սա մի բան է նշանակում․ մենք նույնիսկ գլխի չենք, թե որտեղ ենք։ Եթե գլխի չենք, թե որտեղ ենք, մենք ո՞նց ենք մեր հարցերը լուծելու»,- այսօր հրավիրված ասուլիսի ժամանակ այս հարցադրումն արեց ՀՀ վարչապետ Նիկոլ Փաշինյանը։
«Ամեն օր մեր լրահոսը, որ նայում ենք, տպավորություն է, որ աշխարհում երեք երկիր կա՝ Ռուսաստանը, Ամերիկան ու Հայաստանը։ «Մենք ենք, մեր սարեր»-ի տարամաբանությունն է։ Եկեք դուրս գանք այդ տարամաբանությունից։ Ընդհուպ կարող է պարզվել, որ սա մեր կրթության որակից է, որ մեզ թվում է, թե մենք Ռուսաստանի և Ամերիկայի արանքում ենք։ Ո՛չ, մենք Վրաստանի, Թուրքիայի, Իրանի և Ադրբեջանի արանաքում ենք, և մեր լինելիությունը, երկարաժամկետ առումով մեր պետության զարգացվածության մակարդակը, մեր պետության լինելիությունը կախված է այս ըմբռնումից, որ հասկանանք, թե մենք ուր ենք, և առաջին հերթին այս հարթության մեջ պիտի մեր հարցերը կարգավորվեն։
Մեր քաղաքական իշխանության ամենամեծ դավաճանությունն այն է, որ մենք մեր ժողովրդին երբեք չենք լսել և չենք հաղորդակցվել։
Վերջին 30 տարվա ընթացքում մենք բոլորս հնչեցրել ենք խաղաղության կենացը, ու երբեք այդպես էլ չենք խորացել, թե ինչ նկատի ունի ժողովուրդը։ Եվ մենք այդպես էլ ժողովրդին չենք բացատրել, թե դա ինչպես կարող է լինել հասանելի։ Մենք խաբել ենք մեր ժղովրդին»։
Փաշինյանը նաև կարծիք հայտնեց, որ Հայաստանը ԼՂ հարցում վարել է ֆեյք քաղաքականություն․ «Այն նպատակները, որ հայտարարված են եղել, դրանք հենց առաջին օրից եղել են անհասանելի և անիրագործելի»
Վարչապետը բարձր գնահատեց ԱՄՆ ջանքերը՝ ուղղված խաղաղության պայմանագիրը հնարավոր դարձնելուն, նաև հայտնեց, որ վերջին շրջանում Ռուսաստանի բանակցային ակտիվությունը որոշակիորեն նվազել է, և դա պայմանավորված է ուկրաինական իրադարձություններով։
Մանրամասները՝ տեսանյութում։
