24.11.2024 | 11:12
Ռուբլու փոխարժեքը շարունակում է իջնել
2020 թվականից հետո մենք գրեթե հրաշքով փրկել ենք մեր պետականությունը. Նիկոլ Փաշինյան․ ՏԵՍԱՆՅՈՒԹ
Քաղաքականություն
25.07.2023 | 14:46
Ամեն ինչ կարելի է անել, բայց պետք հաշվարկել դրա արդյունքը և հետևանքը․ այս իրավիճակում էսկալացիան որևէ տրամաբանությամբ օգտակար լինել չի կարող։ Այս մասին այսօր՝ հուլիսի 25-ին, մամուլի ասուլիսի ժամանակ ասաց վարչապետ Նիկոլ Փաշինյանը։
Նրա խոսքով՝ ստեղծված իրավիճակում լավագույն տարբերակներից մեկն այն է, որ ԼՂ-ն հստակ պատրաստակամություն հայտնի ԼՂ հայության իրավունքների և անվտանգության հարցը Բաքվի հետ քննարկելու հարցում՝ միջազգային մեխանիզմի շրջանակում։
«Մենք անընդհատ միջազգային հանրությանը ուղերձներ ենք հղում, բայց կարևոր հարց այս պրոցեսում բաց ենք թողնում։ Իսկ այդ ուղերձները միջազգային հանրությունն ինչպե՞ս է ընկալում կամ ընկալո՞ւմ է, թե՝ ոչ։ Այս ամբողջը պետք է ուշադիր վերլուծենք»,- նշեց վարչապետը։
Փաշինյանի կարծիքով՝ հանրահավաքների և ցույցերի ժամանակ հնչում են շեշտադրումներ, որոնք նշանակում են, որ Հայաստանը ինչպես նախորդ 30 տարում, այնպես էլ՝ գալիք տարիներին, պետք է ապրի կոնֆրոնտացիոն ռեժիմում․ «Մենք սրան համաձա՞յն ենք․ սա դիտարկենք ոչ թե ցանկության, այլ նպատակադրումների հետևանքների առումով»։
«2020թ․ պատերազմից հետո, ինձ լեգիտիմ մեղադրանքներ են ուղղել՝ ինչու այս մասին չեմ խոսել 2018-19 թթ․-ին։ Որպես սեփական սխալներից դաս քաղած մարդ, ասում եմ՝ եթե որևէ մեկն ասում է, որ Հայաստանը պետք է շարունակի ապրել կոնֆրոնտացիոն ռեժիմում, ինքը, ըստ էության, ՀՀ պետականությունը, ինքնիշխանությունը, պետության գոյությունը և անկախությունը դնում կասկածի տակ․․․
2020 թվականի պատերազմից հետո մենք գրեթե հրաշքով փրկել ենք մեր պետությունը և պետականությունը։ Մենք էլ հարվածի տակ ենք դրել՝ ոչ թե վատ մտադրությամբ, այլ լավ։ Այսօր էլ նույն վիճակն է, բայց պետք է հրաժարվենք սրանից»,- ընդգծեց Փաշինյանը ևս մեկ անգամ ընդգծելով՝ Հայաստանը դնել կոնֆրոնտացիոն՝ հակամարտության ռեժիմում, նշանակում է Հայաստանի ինքնիշխանությունը, անկախությունը դատապարտել չգոյության։
Մանրամասները՝ տեսանյութում։
