16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Զելենսկին և Ստոլտենբերգը քննարկել են Սևծովյան հացահատիկի միջանցքի ապաշրջափակման համար անհրաժեշտ քայլերը
Քաղաքականություն
23.07.2023 | 12:36
Ուկրաինայի նախագահ Վլադիմիր Զելենսկին հեռախոսազրույց է ունեցել ՆԱՏՕ-ի գլխավոր քարտուղար Յենս Ստոլտենբերգի հետ։ Հայտնում են Ուկրաինայի նախագահի մամուլի ծառայությունից։
Կողմերը քննարկել են հուլիսի 12-ին Վիլնյուսում անցկացված գագաթնաժողովի ընթացքում ձեռք բերված պայմանավորվածությունների կատարման ընթացքը։
Վլադիմիր Զելենսկին և Յենս Ստոլտենբերգը նշել են առաջնահերթությունները և ապագա քայլերը, որոնք անհրաժեշտ են Սևծովյան հացահատիկի միջանցքի ապաշրջափակման և կայուն շահագործման համար։
Ուկրաինայի նախագահը և ՆԱՏՕ-ի գլխավոր քարտուղարը քննարկել են նաև Ուկրաինայի՝ ՆԱՏՕ-ին անդամագրվելու հետագա անելիքները։
