07.12.2025 | 14:21
Մեսի․ Սա այն պահն է, որին ես սպասում էի
Մեկնարկել է նախադպրոցական հաստատությունների տնօրենի հավաստագրման համար վերապատրաստումներին մասնակցելու գործընթացը
Հասարակություն
18.07.2023 | 11:59
ՀՀ կրթության, գիտության, մշակույթի և սպորտի նախարարության կողմից երաշխավորված կազմակերպությունները մեկնարկել են նախադպրոցական ուսումնական հաստատության տնօրենի ղեկավարման իրավունքի (հավաստագրման) համար վերապատրաստումներին մասնակցելու գործընթացը, տեղեկացնում է ԿԳՄՍՆ-ն։
Հիշեցնենք, որ ԿԳՄՍ նախարարի հրամանով երաշխավորվել է 9 կազմակերպություն: Դրանք են՝
- «Վանաձորի Հ. Թումանյանի անվան պետական համալսարան» հիմնադրամ
- «Էդիթ Պրինտ» ՍՊԸ
- «Գորիսի պետական համալսարան» ՊՈԱԿ
- «Հույս և ապագա» երեխաների աջակցության և զարգացման բարեգործական ՀԿ
- «Ինտերակտիվ կրթության զարգացում» հիմնադրամ
- «Հովակիմյան Գրուպ» ՍՊԸ
- Խ․ Աբովյանի անվան հայկական պետական մանկավարժական համալսարան
- «Թիչինգ Ըքադեմի»կազմակերպություն
- «Քայլ առ քայլ» բարեգործական հիմնադրամ
Վերապատրաստման դասընթացներին կարող են մասնակցել բարձրագույն կրթություն ունեցող և վերջին տասը տարվա ընթացքում մանկավարժական աշխատանքի կամ հանրային կառավարման ոլորտի առնվազն հինգ տարվա ընդհանուր աշխատանքային ստաժ ունեցող անձինք:
Կից՝ նախադպրոցական ուսումնական հաստատության տնօրենի ղեկավարման իրավունքի (հավաստագրման) համար վերապատրաստող երաշխավորված կազմակերպությունների հայտարարությունները:
