25.11.2024 | 09:50
Արտարժույթների փոխարժեքները՝ նոյեմբերի 25-ի դրությամբ
Բլինքենը՝ Փաշինյանի հետ հեռախոսազրույցի մասին
Քաղաքականություն
12.07.2023 | 16:52
ԱՄՆ պետքարտուղար Էնթոնի Բլինքենը թվիթերյան գրառմամբ անդրադարձել է նախօրեին ՀՀ վարչապետ Նիկոլ Փաշինյանի հետ հեռախոսազրույցին։
«Ես երեկ խոսել եմ Հայաստանի վարչապետ Նիկոլ Փաշինյանի հետ՝ կրկնելու իմ ամուր աջակցությունը Ադրբեջանի հետ խաղաղություն ապահովելու շարունակական ջանքերին։ Ուղիղ երկխոսությունն ու դիվանագիտությունը միակ ճանապարհ են Հարավային Կովկասում կայուն խաղաղության հասնելու, և ես հավատարիմ եմ մնում՝ աջակցելու դրան»,- գրել է Բլինքենը։
Հավելենք, որ ՀՀ կառավարության փոխանցմամբ՝ զրույցի ընթացքում կողմերն անդրադարձել են տարածաշրջանում հաստատված իրադրությանը, Հայաստանի և Ադրբեջանի միջև խաղաղության պայմանագրի շուրջ ընթացող բանակցություններին, Լեռնային Ղարաբաղի հայության իրավունքների և անվտանգության ապահովման համար անհրաժեշտ քայլերին, ներառյալ Բաքու-Ստեփանակերտ երկխոսության անհրաժեշտությանը՝ միջազգային ներգրավմամբ:
Վարչապետ Փաշինյանն անդրադարձել է Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում ստեղծված հումանիտար ճգնաժամի խորացմանը և այն հաղթահարելու անհրաժեշտ քայլերին:
Զրուցակիցներն ընդգծել են նաև տարածաշրջանում կայունության ու խաղաղության ապահովման ուղղությամբ հետևողական ջանքերի անհրաժեշտությունը:
Էմմա Չոբանյան
