14.09.2026 | 11:22
Սիսիանի «Մայիսի 28» զբոսայգու 10-րդ հողամասը վերադարձվել է համայնքին
ՆԳՆ ՓԾ տնօրենն ընդունել է ԵԱՀԿ աջակցությամբ Հայաստան ժամանած էստոնացի փորձագետին
Քաղաքականություն
11.07.2023 | 19:18
Այսօր՝ հուլիսի 11-ին, ՆԳՆ ՓԾ տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանն ընդունել է ԵԱՀԿ աջակցությամբ Հայաստան ժամանած էստոնացի փորձագետ Լաուրի Տաբուրին: Հանդիպմանը ներկա էր նաև ՓԾ տնօրենի տեղակալ, փ/ծ գնդապետ Տիգրան Պետրոսյանը:
«Հանդիպման նպատակն էր քննարկել Ներքին գործերի նախարարության կազմում ենթակա մարմնի՝ Փրկարար ծառայության քաղաքականության և գործունեության ոլորտներին առնչվող հարցերը։
ՓԾ տնօրենը բացման խոսքում բարձր գնահատեց փորձագետի աշխատանքը ընթացիկ բարեփոխումների շրջանակներում, ներկայացրեց Ներքին գործերի նախարարության կազմում Փրկարար ծառայության ընթացիկ աշխատանքները և նախանշեց այն ոլորտային փոփոխությունները, որոնք առաջիկայում նախատեսվում են վերամիավորման արդյունքում։
Լաուրի Տաբուրը բարձր գնահատեց Կամո Ցուցուլյանի հարուստ և բազմամյա փորձը ոստիկանության բնագավառում, նշեց, որ վերջինս ակտիվորեն մասնակցել է բարեփոխումների ռազմավարության մշակման աշխատանքներին, քաջատեղյակ է ոլորտային խնդիրներին և առկա մեխանիզմներին, ինչը հնարավորություն կտա արագ և արդյունավետ ինտեգրմանը, ինչպես նաև կնպաստի նորաստեղծ կառույցի զարգացմանը։
Հանդիպման ընթացքում ծավալվեց ակտիվ քննարկում:
Փորձագետը ներկայացրեց ոլորտում Էստոնիայի հաջողված փորձը, կարևորեց ՆԳՆ ենթակա կառույցների՝ Փրկարար ծառայության և Ոստիկանության ներդաշնակ աշխատանքի կազմակերպման ուղիները, ընդգծեց կառուցվածքային ձևավորման փուլում առաջնային քայլերի կարևորությունը։
Քննարկման շրջանակներում անդրադարձ կատարվեց նաև ՆԳՆ կրթահամալիրի կառավարման կազմակերպման հարցերին, մասնավորապես՝ միասնական քաղաքանության իրականացմանը, ինստիտուցիոնալ բարեփոխմանը, կադրային և կրթական ծրագրերի գործընթացների վերակազմակերպմանը և վերաձևավորմանը։
Զրուցակիցները մտքեր փոխանակեցին նաև փրկարար ծառայության գործունեության շուրջ՝ կապված մարդկային ռեսուրսների կառավարման մարտահրավերների և ոլորտում առկա առաջնահերթությունների հետ»,- ասված է Փրկարար ծառայության հաղորդագրության մեջ։
