Եվրոպայի խորհրդի պաշտոնյաներին ներկայացվել է Հայաստանի արդարադատության նախարարության բարեփոխումների օրակարգը

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Հայաստանի արդարադատության նախարարի տեղակալ Կարեն Կարապետյանն ընդունել է Եվրոպայի խորհրդի Մարդու իրավունքների և իրավունքի գերակայության հարցերով գլխավոր տնօրեն Խրիստոս Յակումոպուլոսին և Եվրոպայի խորհրդի քաղաքական հարցերով տնօրեն Միրոսլավ Պապային․ այս մասին հայտնեցին ՀՀ արդարադատության նախարարությունից։

Հանդիպմանը մասնակցել է նաև Երևանում ԵԽ գրասենյակի ղեկավարի տեղակալ Մաքսիմ Լոնգանգեն, ԵԽ-ում ՀՀ մշտական ներկայացուցիչ Արման Խաչատրյանը և ՀՀ արտաքին գործերի նախարարության ԵԽ բաժնի երկրորդ քարտուղար Գոռ Եդիգարյանը: Կարեն Կարապետյանը ողջունել է հյուրերին և շնորհակալություն հայտնել ԵԽ կողմից Արդարադատության նախարարության լայնածավալ բարեփոխումների օրակարգին ցուցաբերված շարունակական աջակցության համար:

Փոխնախարարն ընդգծել է, որ ՀՀ-ԵԽ 2019-2022թթ․ գործողությունների ծրագիրն առանցքային գործիք է եղել բարեփոխումների օրակարգում և անդրադարձել է դրա բոլոր ուղղություններին: Քննարկվել են ԵԽ կողմից ներկայումս իրականացվող ծրագրերի ընթացքը և դրանց շրջանակներում գրանցված ձեռքբերումները, այդ թվում դատաիրավական, հակակոռուպցիոն, քրեակատարողական և պրոբացիայի ծառայությունների բարեփոխումների օրակարգերի շրջանակներում: Կողմերը կարևորվել են ՀՀ-ԵԽ նոր 2023-2026թթ. գործողությունների ծրագրով համատեղ շարունակական աշխատանքների իրականացումը:

Նախարարի տեղակալն ընդգծել է արդարադատության նախարարության, ԵԽ մարմինների և կոմիտեների հետ ընթացիկ աշխատանքները: Այս ենթատեքստում քննարկվել է Վենետիկի հանձնաժողովի հետ համագործակցությունը՝ ընթացող դատաիրավական և սահմանադրական բարեփոխումների շրջանակում:

Անդրադարձ է կատարվել Եվրոպայի խորհրդի Կոռուպցիայի դեմ պայքարի պետությունների խմբի (ԳՐԵԿՈ) Հայաստանի վերաբերյալ գնահատման չորրորդ փուլի զեկույցի հանձնարարականների կատարման առաջընթացին, որի արդյունքում Հայաստանը դուրս է եկել անհամապատասխանության գործընթացից:

Կարեն Կարապետյանը ներկայացրել է ՄԻԵԴ վճիռների ամբողջական կատարումն ապահովելու և մարդու իրավունքների եվրոպական չափանիշների ներդրման արդյունավետությանն ուղղված Կառավարության քայլերը: Քննարկվել են ՄԻԵԴ վճիռների հիման վրա հարուցված կարգապահական վարույթների ընթացքը, Հայաստանի կողմից ստանձնած միջազգային պարտավորությունները՝ կենսաբժշկության և մարդու իրավունքների, կիբեռհանցագործության վերաբերյալ միջազգային իրավական գործիքների ընդունմանն ուղղված ներպետական ընթացակագերը:

Անդրադարձ է կատարվել նաև հունիսին Արդարադատության նախարար Գրիգոր Մինասյանի Ստրասբուրգ կատարած այցի շրջանակներում կայացած բարձր մակարդակի հանդիպումներին և ձեռքբերված պայմանավորվածությունների՝ համագործակցության շրջանակներն ընդլայնելու վերաբերյալ:

ԵԽ ներկայացուցիչները բարձր են գնահատել ՀՀ կառավարության և Արդարադատության նախարարության կատարած աշխատանքը՝ մարդու իրավունքների պաշտպանության, դատաիրավական բարեփոխումների, կոռուպցիայի դեմ պայքարի, ՄԻԵԴ վճիռների կատարման ուղղությամբ և վստահություն հայտնել, որ ԵԽ հետ համագործակցությունը շարունակելու է իր նշանակալի ներդրումը գրանցել Հայաստանում ընթացող բարեփոխումների, ժողովրդավարության ամրապնդման, մարդու իրավունքների պաշտպանության և իրավական ինստիտուտների զարգացման գործում։