08.04.2026 | 18:27
Ղազախստանից պատվիրակություն է գալիս ՀՀ // Ադրբեջանում երեք երկրաշարժ է եղել․ ԼՈՒՐԵՐ
Ադրբեջանի դատարանը առևանգված հայ զինծառայողներին դատապարտել է 11 տարի 6 ամիս ազատազրկման
Քաղաքականություն
07.07.2023 | 12:18
Սումգայիթի ծանր հանցագործությունների դատարանում այսօր շարունակվել է առևանգված հայ զինծառայողներ Հարություն Հովագիմյանի և Կարեն Ղազարյանի ապօրինի դատավարությունը, գրում են տեղական լրատվամիջոցները։ Բաքուն նրանց անհիմն մեղադրում է պետական սահմանի խախտման և, իբր, ծանր հանցագործություններ կատարելու համար։ Այսօր ընթերցվել է դատավճիռը։ Հայ զինծառայողները դատապարտվել են 11 տարի 6 ամիս ազատազրկման։ Նախօրեի նիստում դատախազը պահանջում էր 12 տարվա ազատազրկում։
Հիշեցնենք, որ մայիսի 26-ին մարտական դիրքեր սնունդ մատակարարող երկու հայ զինծառայողների հետ կապն ընդհատվել էր: Մայիսի 27-ին ՀՀ Պաշտպանության նախարարությունը հայտնել էր, որ միջդիրքային ճանապարհին հայտնաբերվել է թիկունքային մատակարարման ավտոմեքենան, որում եղել է նաև զինվորներից մեկին ամրակցված զենքը: Քննչական կոմիտեից ավելի ուշ տեղեկացրել էին, որ Ադրբեջանի զինված խումբը հատել է սահմանը և առևանգել հայ զինծառայողներին:
